ងើបឈរក៏ឈឺ អង្គុយក៏ឈឺ ទាំងនេះអាចជារោគសញ្ញានៃជំងឺសឹកទ្រនាប់ជង្គង់ ដែលជាជំងឺដែលរកឃើញច្រើនបំផុតក្នុងចំនួនប្រជាជនទូរទាំងពិភពលោក ជាពិសេសក្នុងក្រុមមនុស្សចាស់ មានឥទ្ធិពលធ្វើឪ្យគុណភាពជីវិតកាន់តែអន់ថយជាងមុន។ បច្ចុប្បន្នមានបច្ចេកវិជ្ជាការវះកាត់ព្យាបាលជំងឺទ្រនាប់ជង្គង់ដោយមនុស្សយន្តជំនួយក្នុងការវះកាត់ Rosa Knee អ្នកជំងឺអាចត្រលប់មក ងើប ឈរ ដើរ បានក្នុងរយៈពេល ១២ម៉ោងក្រោយមក។
សាស្ត្រាចារ្យរង វរសេនីយ៍ឯក វេជ្ជបណ្ឌិត DR. BURA SINDHUPAKORN គ្រូពេទ្យវះកាត់ឆ្អឹង ឯកទេសផ្នែកវះកាត់ផ្លាស់ប្តូរជង្គង់ និងត្រគាក នៃមន្ទីរពេទ្យវេជ្ជថានី បាននិយាយថា ជំងឺសឹកទ្រនាប់ជង្គង់ បណ្តាលមកពីការខូចទ្រង់ទ្រាយនៃផ្ទៃឆ្អឹងខ្ចីនៅសន្លាក់ជង្គង់។ ដែលជាទូទៅផ្ទៃឆ្អឹងខ្ចីមានតួនាទីជំនួយក្នុងការផ្លាស់ទីនៃសន្លាក់ជង្គង់ឪ្យមានភាពរលូនមិនមានការជាប់ និងដើរតួរជាផ្នែកទ្រទម្ងន់នៃរាងកាយផងដែរ ដូច្នេះប្រសិនបើសន្លាក់ជង្គង់ចាប់ផ្តើមសឹក វានិងបង្ករឪ្យមានការអាការៈស្អិតទ្រនាប់ជង្គង់ មានអារម្មណ៍ជាប់គាំងនៅពេលព្រឹក ឬពេលអ្នកក្រោកពីដំណេកហើយមិនអាច ធ្វើចលនាជង្គង់បានល្អ មានការឈឺចាប់ ហើមសន្លាក់ជង្គង់ និងមានសំឡេងប្រេះប្រោះ និងមានអារម្មណ៍ទន់ខ្សោយ
កត្តាដែលបង្ករឪ្យមានរោគសញ្ញាជំងឺសឹកទ្រនាប់ជង្គង់ត្រូវបានបែងចែកជា៤កត្តា៖
- អាយុ៖ អ្នកជំងឺកាន់តែចាស់ ហានិភ័យនៃជំងឺរលាកសន្លាក់ជង្គង់កាន់តែកើនឡើង
- ភេទ៖ ត្រូវបានគេរកឃើញថា ស្ត្រីទំនងជាមានជំងឺរលាកសន្លាក់ជង្គង់ជាងបុរស
- ការប្រើប្រាស់មិនបានត្រឹមត្រូវដូចជា លុតជង្គង់ អង្គុយចោងហោង អង្គុយបត់ជើង អង្គុយពែនភ្នែន
- ជំងឺប្រចាំខ្លួនមួយចំនួនដែលបណ្តាលឱ្យមានជំងឺសឹកទ្រនាប់ជង្គង់កាន់តែលឿនដូចជា ជំងឺរលាកសន្លាក់
ការព្យាបាលជំងឺសឹកទ្រនាប់ជង្គង់ វេជ្ជបណ្ឌិតនឹងពិចារណាពីរោគសញ្ញានិងភាពធ្ងន់ធ្ងរនៃការខូចខាតរបស់ផ្ទៃឆ្អឹងខ្ចីនៃទ្រនាប់ជង្គង់ដោយការព្យាបាលជាច្រើនប្រភេទដូចជា ការផ្លាស់ប្តូររបៀបរបបរស់នៅប្រចាំថ្ងៃ ការទទួលទានអាហារបំប៉នសម្រាប់សន្លាក់ជង្គង់ ការព្យាបាលដោយថ្នាំដើម្បីកាត់បន្ថយភាពរលាកនៃទ្រនាប់ជង្គង់ ការធ្វើចលនាបំបាត់រួមជាមួយការប្រើប្រាស់ថ្នាំ ការចាក់ថ្នាំចូលទៅក្នុងទ្រនាប់ជង្គង់ដែលមានជាច្រើនវិធី ដូចជា ចាក់ទឹកចូលទៅចិញ្ចឹមទ្រនាប់ជង្គង់ ការចាក់ផ្លាកែតឈាម ជាដើម និងវិធីចុងក្រោយគឺការវះកាត់សម្រាប់អ្នកជំងឺដែលមានអាការៈសឹកទ្រនាប់ជង្គង់បែបធ្ងន់ធ្ងរ។
ការពីដើមឡើយ ការវះកាត់ផ្លាស់ប្តូរជង្គង់និងធ្វើឡើងដោយប្រើវិធីបើកមុខរបួសធំ វែងប្រហែល ១២សង់ទីម៉ែត្រ ដោយគ្រូពេទ្យវះកាត់ជាអ្នកទទួលខុសត្រូវក្នុងការរៀបគម្រោងនិងកំណត់ទីតាំងក្នុងការដាក់ផ្ទៃនៃស្រទាប់សិប្បនិម្មិត ដោយលក្ខណៈនៃការវះកាត់ត្រូវបានគេរកឃើញថានៅមានចំនុចខ្វះខាតច្រើនប្រការដូចជា ការសម្រេចចិត្តរបស់វេជ្ជបណ្ឌិត រួមជាមួយការបើកមុខរបួសធំធ្វើឪ្យអ្នកជំងឺទទួលការឈឺចាប់ក្រោយការវះកាត់នឹងការស្តារនីតិសម្បទារទំនងយូរជាង។
បច្ចុប្បន្ននេះ មានបច្ចេកវិទ្យាមនុស្សយន្តជំនួយការវះកាត់ Rosa Knee ដែលប្រកបដោយដៃមេកានិចចំនួន២ ដើម្បីគ្រប់គ្រងនិងកំណត់ទីតាំងក្នុងការវះកាត់ត្រៀមផ្ទៃនៃទ្រនាប់ជង្គង់ ជួយវាស់ឧបករណ៍និងខ្នាតនៃទ្រនាប់ជង្គង់សិប្បនិម្មិត រួមទាំងមានកម្មវិធីដើម្បីជួយរៀបចំផែនការ និងចម្លងរូបភាពនៃការវះកាត់ជមុន ធ្វើឪ្យការវះកាត់មានភាពត្រឹមត្រូវនិងកាន់តែច្បាស់លាស់ជាងមុន។ ក្រៅពីនេះការប្រើប្រាស់មនុស្សយន្ត Rosa Knee ជំនួយក្នុងការវះកាត់មិនចាំបាច់ធ្វើការវះបើកមុខរបួសធំដូចសម័យមុននោះទេ និងចំបាច់វាយលុកចូលទៅក្នុងចន្លោះឆ្អឹងនោះទេ ដែលអាចជាមូលហេតុធ្វើឪ្យអ្នកជំងឺឈឺចាប់និងបាត់បង់ឈាមច្រើន ដូច្នេះអ្វីដែលអ្នកជំងឺនិងទទួលបានពីការវះកាត់ផ្លាស់ប្តូរទ្រនាប់ជង្គង់សិប្បនិម្មិតដោយមនុស្សយន្ត Rosa Knee រួមមាន៖
- ភាពច្បាស់លាស់ខ្ពស់៖ ដៃមនុស្សយន្តនិងជួយគ្រូពេទ្យធ្វើការវះកាត់បានច្បាស់លាស់ កាត់បន្ថយឪកាសនៃការថ្វីប្រហែស
- មុខរបួសវះកាត់តូច៖ ស្នាមវះកាត់មានទំហំតូចជាការវះកាត់បែបបុរាណ
- ការបាត់បង់ឈាមតិច៖ អ្នកជំងឺនិងមានអារម្មណ៍ថាឈឺចាប់តិចជាងមុន
- ជាសះស្បើយលឿន៖ អ្នកជំងឺស្តារនីតិសម្បទារលឿន ប្រើរយៈពេលសម្រាកតិចជាងមុន អាចងើបឈរដើរបាន ក្នុងរយៈពេល ១២ម៉ោង
- ការផ្លាស់ទីប្រសើរជាងមុន៖ អ្នកជំងឺអាចត្រលប់មកធ្វើចលនារាងកាយបានកាន់តែប្រសើរជាងមុន។
ទោះជាយ៉ាងណាក៏ដោយ វេជ្ជបណ្ឌិតនិងធ្វើការនាំវិធីថែរក្សាខ្លួនអ្នក ដើម្បីការពារមិនឪ្យទ្រនាប់ជង្គង់អ្នកសឹកលឿន ដូចជា ការគ្រប់គ្រងទម្ងន់ ព្រោះទម្ងន់ទាក់ទងដោយផ្ទាល់ជាមួយជំងឺសឹកទ្រនាប់ជង្គង់ ដោយមានការរកឃើញថា រាល់ ១គីឡូក្រាមដែលកើនឡើង ទម្ងន់និងធ្លាក់ទៅទ្រនាប់ជង្គង់ប្រហែល ៤%។ ជៀសវាងការប្រើប្រាស់ជង្គង់មិនត្រឹមត្រូវដូចជា លើករបស់ធ្ងន់ៗហើយដើរឆ្ងាយៗ អង្គុយចោងហោង អង្គុយពែនភ្នែន អង្គុយបត់ជើង ក្នុងរយៈពេលយូរ និងគួរប្រុងប្រយ័ត្នកុំឪ្យមានឧប្បត្តិហេតុដែលធ្ងន់ធ្ងរ ដូចជា ការរមួលឬក្រឡាច់ទ្រនាប់ជង្គង់ពីការលេងកីឡា ឬការធ្វើលំហាត់ប្រាណ។
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលផ្លាស់ប្តូរជង្គង់ដោយមនុស្សយន្ត, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
- Readers Rating
- Rated 5 stars
5 / 5 ( Reviewers) - Spectacular
- Your Rating
