ជំងឺបេះដូងលោតខុសចង្វាក់ (Arrhythmia) មិនត្រឹមតែប្រភេទលោតលឿនប៉ុណ្ណោះទេ ប៉ុន្តែក៏មានជំងឺបេះដូងលោតខុសចង្វាក់ប្រភេទលោតយឺត ដែលមនុស្សភាគច្រើនតែងមើលរំលង។ តាមពិតទៅ វាជាជំងឺដែលអាចបង្កគ្រោះថ្នាក់បានដូចគ្នា ប្រសិនបើអ្នកជំងឺទទួលបានការព្យាបាលត្រឹមត្រូវក៏អាចជាសះស្បើយបាន។
ជំនួយការសាស្ត្រាចារ្យវេជ្ជបណ្ឌិត DR. SARAWUTH LIMPRASERT គ្រូពេទ្យឯកទេសជំងឺបេះដូង និងសរសៃឈាមបេះដូង នៃមន្ទីរពេទ្យវេជ្ជាថានី បានមានប្រសាសន៍ថា បេះដូងលោតយឺត (Brandycardia) គឺជាស្ថានភាពដែលបេះដូងលោតក្នុងអត្រាយឺតជាងធម្មតា ដោយតែងតែលោតយឺតជាង ៦០ដង ក្នុង១នាទី។ នៅពេលដែលបេះដូងលោតយឺតពេក តែងតែធ្វើឪ្យឈាមដែលបញ្ចេញពីបេះដូងមានបរិមាណធ្លាក់ចុះ រហូតបណ្តាលឱ្យការបញ្ជូនអុកស៊ីសែនទៅចិញ្ចឹមផ្នែកផ្សេងៗនៃរាងកាយគឺមិនគ្រប់គ្រាន់ ជាពិសេសសរីរាង្គសំខាន់ៗដូចជាខួរក្បាល និងបេះដូង។ ជាទូទៅតែងតែមិនមានរោគសញ្ញាខុសប្រក្រតីទេ ជាពិសេសចំពោះមនុស្សដែលមានសុខភាពរឹងម៉ាំ ប៉ុន្តែបើសិនកើតឡើងលើអ្នកជំងឺ ឬមនុស្សចាស់តែងមានរោគសញ្ញាខុសប្រក្រតី។
រោគសញ្ញាខុសប្រក្រតីដែលអាចរកឃើញក្នុងអ្នកជំងឺបេះដូងលោតយឺតរួមមាន៖
- ងាយហត់
- ឈឺទ្រូង
- អស់កម្លាំង
- ញ័របេះដូង
- វិលមុខ
- ដួលសន្លប់
- ច្របូកច្របល់ ងាយភ្លេច ងាយវង្វេង
ស្ថានភាពបេះដូងលោតយឺត តែងរកឃើញក្នុងអ្នកជំងឺដែលមានអាយុលើសពី ៦៥ឆ្នាំឡើងទៅ ប៉ុន្តែអាចកើតមានចំពោះអ្នកជំងឺវ័យក្មេង ប្រសិនបើមានជំងឺរួមឬជំងឺតំណពូជមួយចំនួន ក្រៅពីនេះនៅមានមូលហេតុដែលរកឃើញច្រើនបំផុតគឺ តុល្យភាពនៃជាតិរ៉ែក្នុងរាងកាយខុសប្រក្រតី, ការឆ្លងមេរោគឬការរលាកមួយចំនួន, ជំងឺសរសៃឈាមបេះដូង, ជំងឺបេះដូងរ៉ាំរៃ Rheumatic, ការចុះខ្សោយនៃក្រុមកោសិការំញោចបេះដូង (Sick sinus syndrome), ការនាំចរន្តបេះដូងខុសប្រក្រតី, និងផលវិបាកពីការប្រើប្រាស់ថ្នាំ ការវះកាត់ និងការព្យាបាលដោយវិទ្យុសកម្ម។
ទោះជាយ៉ាងណាក៏ដោយ មានភាពចាំបាច់ជាខ្លាំងក្នុងការពិនិត្យរកមូលហេតុពិតប្រាកដ ព្រោះបើសិនជារកឃើញថាស្ថានភាពបេះដូងលោតយឺត បណ្តាលមកពីមូលហេតុដែលអាចព្យាបាលឪ្យជាសះស្បើយបាន យើងនឹងធ្វើឪ្យស្ថានភាពបេះដូងលោតយឺតជាបានដូចគ្នា។ ដោយការណែនាំសម្រាប់ការធ្វើរោគវិនិច្ឆ័យ ស្ថានភាពបេះដូងលោតយឺត វេជ្ជបណ្ឌិតនឹងធ្វើការសាកសួរប្រវត្តិ, ពិនិត្យរាងកាយ, ត្រួតពិនិត្យអេឡិចត្រូតបេះដូង (EKG) និងការធ្វើតេស្តឈាមផ្សេងៗដើម្បីកំណត់ពីមូលហេតុនៃចង្វាក់បេះដូងលោតយឺត ហើយយើងក៏អាចមានការពិនិត្យពិសេសផ្សេងទៀតនៃប្រព័ន្ធបេះដូង ដោយអាស្រ័យលើស្ថានភាពរបស់អ្នកជំងឺ។
ប្រសិនបើធ្វើរោគវិនិច្ឆ័យរួចឃើញថាមាន បញ្ហាចង្វាក់បេះដូងលោតយឺតដែលបណ្តាលមកពីជំងឺ ឬលក្ខខណ្ឌដែលអាចព្យាបាលជាសះស្បើយបាន។ អ្នកជំងឺនឹងត្រូវបានព្យាបាលសម្រាប់ជំងឺឬស្ថានភាពនោះ ដែលធ្វើឱ្យបេះដូងត្រឡប់មកលោតក្នុងអត្រាធម្មតាវិញ។ ប៉ុន្តែប្រសិនបើ បញ្ហាចង្វាក់បេះដូងលោតយឺត បណ្តាលមកពីជំងឺឬស្ថានភាពដែលមិនដែលអាចព្យាបាលបាន ឬមិនអាចព្យាបាលឪ្យជាដាច់បាន និងមានភាពចាំបាច់ត្រូវព្យាបាលដោយការដាក់ឧបករណ៍រំញោចចង្វាក់បេះដូង (Pacemaker Implantation) ក្នុងគោលបំណងកាត់បន្ថយរោគសញ្ញារបស់អ្នកជំងឺ ឬកាត់បន្ថយឱកាសនៃជំងឺចង្វាក់បេះដូង (Arrhythmias) ធ្ងន់ធ្ងរនាពេលអនាគត។
ការព្យាបាលដោយការដាក់ឧបករណ៍រំញោចចង្វាក់បេះដូង គឺជានីតិវិធីមួយដើម្បីដាក់ឧបករណ៍អេឡិចត្រូនិកចូលទៅក្នុងជញ្ជាំងទ្រូងក្រោមស្បែករបស់អ្នកជំងឺ។ ដើម្បីរំញោចចង្វាក់បេះដូង ដោយបញ្ជូនសញ្ញាអគ្គិសនីទៅកាន់ប្រអប់បេះដូងដែលដំណើរការខុសប្រក្រតី សញ្ញាអគ្គិសនីនិងជួយឱ្យបេះដូងលោតលឿនល្មមនឹងបូមឈាមទៅចិញ្ចឹមរាងកាយ និងសរីរាង្គផ្សេងទៀតបានគ្រប់គ្រាន់។
ការត្រៀមខ្លួនមុនពេលបញ្ចូលឧបករណ៍រំញោចចង្វាក់បេះដូង
មុនពេលនីតិវិធីបញ្ចូលឧបករណ៍រំញោចចង្វាក់បេះដូង អ្នកជំងឺត្រូវតមថ្នាំតាមការណែនាំរបស់វេជ្ជបណ្ឌិត, តមអាហារនិងភេសជ្ជៈមុននឹងធ្វើនីតិវិធីរយៈពេល ៨ម៉ោង, អ្នកជំងឺនឹងត្រូវកោររោមនៅលើទ្រូងខាងដែលត្រូវដាក់ឧបករណ៍រំញោចបេះដូង, ភាគច្រើនវេជ្ជបណ្ឌិតនិយមដាក់ឧបករណ៍រំញោចបេះដូងនៅក្នុងដៃដែលអ្នកជំងឺមិនសូវប្រើប្រាស់។
ឥរិយាបថបន្ទាប់ពីបញ្ចូលឧបករណ៍រំញោចចង្វាក់បេះដូង
នៅពេលបញ្ចូលឧបករណ៍រំញោចចង្វាក់បេះដូងចូលទៅក្នុងរាងកាយរួច អ្នកជំងឺត្រូវសម្រាកក្នុងមន្ទីរពេទ្យរយៈពេលប្រហែល ១-២ថ្ងៃ ហើយក្នុងអំឡុងពេល ៧ថ្ងៃដំបូង មិនគួរលើកដៃដែលឧបករណ៍រំញោចចង្វាក់បេះដូងខ្ពស់ជាងស្មាឡើយ, ជៀសវាងសកម្មភាពដែលប្រើកម្លាំងខ្លាំង, ជៀសវាងការត្រដុស សង្កត់ ឬកោសបិរវេនមុខរបួស ជៀសវាងការម៉ាស្សាដើមទ្រូង ហាមលើករបស់ធ្ងន់យ៉ាងហោចណាស់ ១ខែ, អំឡុងពេលជាសម្រាប់ស្តានីតិសម្បទា ប្រសិនបើមានរោគសញ្ញាមិនប្រក្រតីដូចជា ញ័រទ្រូង វិលមុខ ដួលសន្លប់ នឿយហត់ពិបាកដកដង្ហើមខុសធម្មតា ត្អើកគ្រប់ពេលវេលា អ្នកគួរតែទៅជួបគ្រូពេទ្យជាបន្ទាន់ ដើម្បីរកមូលហេតុ និងពិនិត្យមើលប្រតិបត្តិការរបស់ម៉ាស៊ីន ហើយអ្នកគួរតែមកជួបគ្រូពេទ្យតាមការណាត់របស់អ្នក ដើម្បីបានត្រួតពិនិត្យឧបករណ៍ជាទៀងទាត់។
ទោះជាយ៉ាងណាក៏ ហានិភ័យ និងផលវិបាកដែលអាចជួបប្រទះរួមមានការលេចធ្លាយខ្យល់ចូលទៅក្នុងភ្នាសសួតដែលបង្កមកពីចុងម្ជុលដែលប្រើដើម្បីនាំខ្សែអគ្គសនីប៉ះទៅនឹងផ្នែកខាងលើនៃសួតដែលរកឃើញតិចតួចបំផុត, ក្នុងរយៈពេលខ្លីៗ មុខរបួសជុំវិញឧបករណ៍អាចហើម និងជាំ ជាពិសេសអ្នកជំងឺដែលទទួលថ្នាំប្រឆាំងផ្លាកែត ឬថ្នាំដើម្បីការពារការកកឈាមរួមជាមួយុំ ខ្សែឧបករណ៍រំញោចចង្វាក់បេះដូងរង្កិលឬធ្លាក់ចេញពីតំណែង អាចរកឃើញតិចតួចដោយសារតែមានការត្រួតពិនិត្យជាច្រើនដំណាក់កាលមុនពេលភ្ជាប់ខ្សែអគ្គសនីទៅនឹងឧបករណ៍រំញោចចង្វាក់បេះដូង, ការឆ្លងមេរោគនៃឧបករណ៍រំញោចចង្វាក់បេះដូងនិងខ្សែភ្លើង តែងមានកត្តាហានិភ័យខាងជំងឺប្រចាំខ្លួនមួយចំនួនដែលអាចបង្កើនហានិភ័យបាន ដែលអាចការពារបានដោយការប្រើប្រាស់ថ្នាំអង់ទីប៊ីយោទិចមុន និងក្រោយការវះកាត់, ខណៈពេលដែលហានិភ័យរយៈពេលវែងតម្រូវឱ្យមានការសង្កេតរួមគ្នារវាងអ្នកជំងឺ និងវេជ្ជបណ្ឌិត ដើម្បីត្រួតពិនិត្យរកឃើញនិងដោះស្រាយបញ្ហាបានលឿនប្រសិនបើមានផលវិបាកកើតឡើង
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលបេះដូង, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
- Readers Rating
- Rated 5 stars
5 / 5 ( Reviewers) - Spectacular
- Your Rating
