តើការព្យាបាលដោយប្រើគីមី (Chemotherapy) បណ្តាលឱ្យស្លាប់ឬ?

មនុស្សជាច្រើនប្រហែលជាព្រួយបារម្ភអំពីផលប៉ះពាល់នៃការព្យាបាលដោយប្រើ មី(Chemotherapy)។តាមពិតការព្យាបាលដោយប្រើគីមីមិនបណ្តាលឱ្យស្លាប់ទេប៉ុន្តែវាបណ្តាលឱ្យមានផលប៉ះពាល់ដល់អ្នកជំងឺដែលឆ្លងជំងឺដោយសារចំនួនកោសិកាឈាមសទាប។

វេជ្ជបណ្ឌិត Dr. Thanate Dejsakdipon, គ្រូពេទ្យឯកទេសខាងជំងឺមហារីកនៃមន្ទីរពេទ្យេវេជ្ជថានីបានពន្យល់ថាការព្យាបាលដោយប្រើគីមី(Chemotherapy)គឺជាការព្យាបាលដែលត្រូវបានប្រើដើម្បីព្យាបាលជំងឺមហារីកជាច្រើនប្រភេទ។ វាមានទំរង់ជាថ្នាំចាក់និងថ្នាំលេបដែលមានឥទ្ធិពលក្នុងការការពារនិងបំផ្លាញកោសិកាមហារីកក៏ដូចជាបំបាត់កោសិកាមហារីកដែលកំពុងបែងខ្លួន។

បច្ចុប្បន្នមានការព្យាបាលដោយប្រើគីមី(Chemotherapy)ថ្មីដែលត្រូវបានបង្កើតជាពិសេសសម្រាប់ប្រភេទមហារីកនីមួយៗដែលមានផលប៉ះពាល់តិចជាង។ នៅពេលគ្រប់គ្រងការព្យាបាលដោយគីមីអ្នកត្រូវពិចារណាអំពីស្ថានភាពសុខភាពរបស់អ្នកជំងឺម្នាក់ៗដូចជា ទម្ងន់ កម្ពស់ មុខងារថ្លើម និងមុខងារតំរងនោម។
ទោះយ៉ាងណាក៏ដោយមានអ្នកជម្ងឺមហារីកមួយចំនួនដែលបានស្លាប់បន្ទាប់ពីទទួលការព្យាបាលដោយប្រើគីមី(Chemotherapy) ប៉ុន្តែមានចំនួនតិចតួចប៉ុណ្ណោះ។ ពួកគេបានស្លាប់ដោយសារពួកគេមានជំងឺជាច្រើនហើយសុខភាពរបស់ពួកគេស្ថិតក្នុងស្ថានភាពអាក្រក់ឬដំណាក់កាលចុងក្រោយរួចទៅហើយ។ ពួកគេប្រហែលជាមានការឆ្លងដោយសារតែចំនួនកោសិកាឈាមសទាបដូច្នេះពួកគេខ្សោយជាងអ្នកជំងឺដទៃទៀត។

ការទទួលការព្យាបាលដោយប្រើគីមី(Chemotherapy)ត្រូវការការឃ្លាំមើលយ៉ាងជិតស្និទ្ធពីគ្រូពេទ្យឯកទេស គិលានុបដ្ឋាយិកា ឱសថការី ក៏ដូចជាអ្នកជំនាញផ្នែកផ្សេងទៀតដើម្បីកាត់បន្ថយផលប៉ះពាល់នៃការព្យាបាលដោយគីមីនិងអ្វីដែលសំខាន់បំផុតគឺសុវត្ថិភាពរបស់អ្នកជំងឺ។ ផលប៉ះពាល់ទូទៅនៃការព្យាបាលដោយប្រើគីមីគឺក្អួតចង្អោរ ជ្រុះសក់ មុខរបួសក្នុងមាត់ កោសិកាឈាមទាប ។ ល។ ផលប៉ះពាល់ធ្ងន់ធ្ងរនៃការព្យាបាលដោយប្រើគីមី(Chemotherapy)រួមមានការហូរឈាម ដំបៅក្នុងមាត់ កន្ទួលអាឡែស៊ី គ្រុនក្តៅខ្លាំង ឈឺខ្លាំងកន្លែងដែលចាក់ថ្នាំពិបាកដកដង្ហើម រាគឬទល់លាមក ឈាមក្នុងលាមកឬទឹកនោម ។ល។

លោកវេជ្ជបណ្ឌិត Dr. Thanate Dejsakdipon ក៏បានណែនាំផងដែរថា“ ក្នុងអំឡុងពេលនិងក្រោយពេលព្យាបាលដោយប្រើគីមី(Chemotherapy)អ្នកជម្ងឺត្រូវសង្កេតមើលស្បែកជាពិសេសលើកន្លែងដែលបានចាក់ប្រសិនបើវាហើមមានក្រហមនិងឈឺចាប់ ឬប្រសិនបើអ្នកឃើញថាថ្នាំកំពុងលេចធ្លាយអ្នកត្រូវជូនដំណឹងដល់គិលានុបដ្ឋាយិកាជាបន្ទាន់។ បន្ទាប់ពីទទួលការព្យាបាលដោយគីមីអ្នកគួរតែផឹកទឹកឱ្យបានច្រើនដើម្បីបណ្តេញជាតិគីមីក្នុងខ្លួនតាមរយៈការនោមហើយអ្នកគួរតែទទួលទានអាហារឆ្អិននិងស្អាតក៏ដូចជាចៀសវាងកន្លែងដែលមានមនុស្សច្រើន។

សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់

មជ្ឈមណ្ឌលមហារីកជីវិត, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000