ស្វែងរកគ្រូពេទ្យ មគ្គុទេស ធ្វើការណាត់ជួប និយាយជាមួយគ្រូពេទ្យ

អត្ថបទសុខភាព

សញ្ញាទាំង 4 នៃ “Tennis Elbow” ការឈឺចាប់កែងដៃរ៉ាំរ៉ៃដែលបុគ្គលិកការិយាល័យត្រូវដឹង

“បុគ្គលិកការិយាល័យ” ដែលត្រូវធ្វើការនៅមុខកុំព្យូទ័ររយៈពេលយូរដោយមិនធ្វើចលនារាងកាយ ឬមនុស្សដែលត្រូវលើកកែងដៃ ឬបត់កដៃដោយនៅសភាពដដែលៗ ឬសូម្បីតែ “ស្ត្រីមេផ្ទះ” ដែលត្រូវធ្វើកិច្ចការផ្ទះ និងធ្វើម្ហូប ឬលើកវត្ថុធ្ងន់ជាញឹកញាប់ និងអាចប្រឈមនឹងហានិភ័យនៃជំងឺ “Tennis Elbow” ឬ “រលាកកែងដៃផ្នែកខាងក្រៅ” ដែលជាប្រភេទរលាកកែងដែរជួបញឹកញាប់ជាងគេ វាបណ្តាលមកពីការរលាកនៃសរសៃពួរដែលភ្ជាប់ទៅនឹងឆ្អឹងកែងដៃខាងក្រៅ ត្រូវបានគេហៅ និងដាក់ឈ្មោះតាមរបួសរបស់កីឡាករវាយកូនបាល់ ប៉ុន្តែសព្វថ្ងៃត្រូវបានគេរកឃើញថា ក្នុងមុខរបរផ្សេងៗក៏អាចមានអាការះបែបនេះដែរ វាអាចប៉ះពាល់ដល់ការប្រើប្រាស់ដៃក្នុងជីវិតប្រចាំថ្ងៃ ដោយរោគសញ្ញាដែលពាក់ព័ន្ធមានដូចខាងក្រោម

ការឈឺចាប់នៅខាងក្រៅឆ្អឹងកែងដៃបែបជាមិនដាច់
មិនអាចដាក់ដៃឱ្យត្រង់បានទេ
ឈឺចាប់នៅពេលកំរោកដៃ និងកដៃក្នុងទីតាំងដែលតម្រូវឱ្យប្រើសរសៃពួរ ដូចជា បត់កដៃ លើកវត្ថុ បង្វិលដៃ
នៅពេលមានរោគសញ្ញាធ្ងន់ធ្ងរ ការឈឺចាប់នឹងសាយភាយចុះសាច់ដុំដៃរហូតដល់កដៃ ទោះបីជាសម្រាកការប្រើប្រាស់ដៃក៏មិនធូរស្បើយដែរ ហើយក៏គ្មានកម្លាំងកាន់ដែរ

ប្រសិនបើរកឃើញរោគសញ្ញាខុសប្រក្រតីចាប់ផ្តើមកើតឡើង អ្នកគួរតែទៅពិគ្រោះជាមួយវេជ្ជបណ្ឌិតដើម្បីព្យាបាល ប្រសិនបើទុកយូររហូតរាំរៃអាចធ្វើឪ្យម្រាមដៃ និងកដៃទន់ខ្សោយ គ្មានកំលាំង សម្រាប់ការព្យាបាលនិងចាប់ផ្តើមពីការសម្រាក សកម្មភាព ឬកីឡាដែលតម្រូវឱ្យប្រើដៃធ្ងន់ លេបថ្នាំដើម្បីកាត់បន្ថយការរលាក និងការព្យាបាលដោយចលនាបំបាត់ឬប្រើឧបករណ៍ព្យាបាលដោយចលនាបំបាត់ដូចជា អ៊ុលត្រាសោន (Ultrasound therapy) ឡាស៊ែរ (Laser therapy) ឬការព្យាបាលដោយរលកឆក់(Shock wave therapy) ដើម្បីជំរុញការជួសជុល និងការបង្កើតឡើងវិញនៃជាលិកាជុំវិញសរសៃពួរដែលរលាក

លើសពីនេះ ក៏អាចព្យាបាលដោយការចាក់ថ្នាំផ្លាកែតដែលមានកំហាប់ខ្ពស់ ឬ PRP (Platelet-rich plasma) ដែលយកឈាមរបស់អ្នកជំងឺទៅធ្វើការពិសោធន៍ រហូតបានកំហាប់ប្លាកែតសមស្រប រួចចាក់ចូលកន្លែងឈឺ ឬឆ្អឹងកែងដៃខាងក្រៅ វាជួយកាត់បន្ថយការរលាក និងជួសជុលសរសៃពួរដែលខូចខាត ចំពោះអ្នកជំងឺដែលមានអាការធ្ងន់ធ្ងរខ្លាំង រហូតរំខានដល់ជីវិតប្រចាំថ្ងៃ ឬជាមួយនឹងការព្យាបាលផ្សេងៗប៉ុន្តែមិនមានភាពប្រសើរឡើងក្នុងរយៈពេល 6-12 ខែវេជ្ជបណ្ឌិតនឹងណែនាំការព្យាបាលវះកាត់ ដោយបច្ចុប្បន្ននេះមានបច្ចេកវិទ្យាវះកាត់ laparoscopic ដែលមានស្នាមរបួសតូច ធ្វើឱ្យអ្នកជំងឺជាសះស្បើយយ៉ាងឆាប់រហ័ស បន្ទាប់ពីការវះកាត់រួច សរសៃពួរ និងសាច់ដុំនឹងត្រឡប់មកដំណើរការធម្មតាវិញ ហើយអាចប្រើប្រាស់ជីវិតប្រចាំថ្ងៃបានដូចធម្មតា