ជំងឺខ្សោយតម្រងនោមរ៉ាំរ៉ៃដំណាក់កាលចុងក្រោយ វាជាជំងឺដែលគ្មាននរណាម្នាក់ចង់កើតឡើងចំពោះខ្លួនឯងឡើយ ដោយសារតែអ្នកនឹងត្រូវប្រឈមមុខនឹងការលាងឈាមពេញមួយជីវិត រហូតដល់ធ្វើឲ្យអ្នកជំងឺមួយចំនួនបាត់បង់ឱកាសការងារ និងការរស់នៅ។ បច្ចុប្បន្ននេះ ការផ្លាស់ប្តូរតម្រងនោម គឺជាការព្យាបាលដ៏ល្អបំផុត ដែលជួយឪ្យអ្នកជំងឺត្រឡប់ទៅមានគុណភាពជីវិតល្អម្តងទៀត
វេជ្ជបណ្ឌិត NATAPHUT BOONVISUTH គ្រូពេទ្យឯកទេសផ្នែកជម្ងឺតម្រងនោម នៃមន្ទីរពេទ្យវេជ្ជថានី បានលើកឡើងថា ការវះកាត់ផ្លាស់ប្តូរតម្រង គឺជាការព្យាបាលដ៏ល្អបំផុតសម្រាប់អ្នកជំងឺដែលមានជំងឺតម្រងនោមដំណាក់កាលចុងក្រោយ ដែលមានអត្រាការជោគជ័យខ្ពស់ និងអាចឱ្យអ្នកជំងឺមានគុណភាពជីវិតប្រសើរជាងមុន ដោយមិនចាំបាច់ធ្វើការលាងឈាមពេញមួយជីវិត គ្រាន់តែអ្នកជំងឺត្រូវលេបថ្នាំសង្កត់ប្រព័ន្ធភាពស៊ាំដើម្បីការពាររាងកាយមិនទទួលតម្រងនោមថ្មី។ វិធីសាស្រ្តស័ក្ដិសមសម្រាប់អ្នកជំងឺគ្រប់គ្នាដែលមិនមានចំនុចហាមឃាត់ ដូចជា ការសរីរាង្គសំខាន់ផ្សេងទៀតខ្សោយ, ជំងឺមហារីកឬជំងឺឆ្លងដែលកំពុងព្យាបាល
ការទទួលតម្រងនោមបរិច្ចាគពីអ្នកដទៃមាន ២ ទម្រង់ដូចជា៖
- ការទទួលតម្រងនោមបរិច្ចាគពីមនុស្សស្លាប់៖ បានមកពីអ្នកបរិច្ចាគដែលមានខួរក្បាលស្លាប់ដោយសារគ្រោះថ្នាក់ ឬមូលហេតុផ្សេងទៀត ដោយយោងទៅតាមផ្លូវច្បាប់ និងវេជ្ជសាស្ត្រ ត្រូវបានគេចាត់ទុកថាស្លាប់ហើយ ប៉ុន្តែសរីរាង្គខាងក្នុងនៅតែដំណើរការធម្មតា ដោយនៅក្នុងប្រទេសថៃ មជ្ឈមណ្ឌលបរិច្ចាគសរីរាង្គរបស់កាកបាទក្រហមថៃនឹងបែងចែកតម្រងដល់អ្នកជំងឺខ្សោយតម្រងនោមរ៉ាំរ៉ៃតាមលំដាប់បន្ទាប់ អត្រាជោគជ័យសម្រាប់ការប្តូរតម្រងពីអ្នកបរិច្ចាគដែលមានបញ្ហាខួរក្បាលគឺប្រហែល 85%-90%
- ការទទួលតម្រងនោមបរិច្ចាគមនុស្សនៅមានជីវិត៖ ពីសាច់ញាតិដែលទាក់ទងដោយឈាម ឬជាការបរិច្ចាគតម្រងនោមពីគូស្នេហ៍ដែលរៀបការហើយរស់នៅជាមួយគ្នាយូរជាង ៣ឆ្នាំ ទើបអាចស្នើសុំបរិច្ចាគជូនទៅអ្នកជំងឺខ្សោយតម្រងបាន ប៉ុន្តែប្រសិនបើប្តីប្រពន្ធមានកូនជាមួយគ្នា មិនចាំបាច់រង់ចាំរហូតដល់ ៣ឆ្នាំទេ អត្រាជោគជ័យសម្រាប់ការប្តូរក្រលៀនរបស់អ្នកបរិច្ចាគដែលនៅមានជីវិតគឺប្រហែល 95-98% សម្រាប់អ្នកបរិច្ចាគតម្រងនោមនៅមានជីវិត ចាំបាច់ត្រូវឆ្លងកាត់ការពិនិត្យរាងកាយឱ្យបានហ្មត់ចត់ ដែលត្រូវតែមានរាងកាយរឹងមាំជាងស្តង់ដាររបស់មនុស្សទូទៅ
បណ្ឌិត THUCHCHAI PIPITPANPIPIT គ្រូពេទ្យឯកទេសវះកាត់ប្រព័ន្ធបង្ហូរនោម នៃមន្ទីរពេទ្យវេជ្ជថានី បានឲ្យដឹងថា បច្ចេកទេសវះកាត់ផ្លាស់ប្តូរតម្រងនោម គឺជាជំហានដ៏សំខាន់បំផុតនៃការវះកាត់ប្តូរតម្រងនោម។ កំហុសនៃការវះកាត់អាចបណ្តាលឱ្យបរាជ័យក្នុងការផ្លាស់ប្តូរតំរងនោមដែលមិនកែប្រែបាន រួមជាមួយនឹងការវះកាត់ប្តូរតម្រងនោម មានដំណាក់កាលស្មុគស្មាញ ដូច្នេះហើយ ក្រុមវះកាត់ផ្លាស់ប្តូរតម្រងនោម ត្រូវមានជំនាញ និងបទពិសោធន៍ខ្ពស់ រួមទាំងចំណេះដឹងអំពីនីតិវិធីវះកាត់លម្អិត បច្ចុប្បន្ននេះ ការវះកាត់យកតម្រងនោមចេញពីអ្នកបរិច្ចាគដែលនៅមានជីវិត មានការវះកាត់ពីរប្រភេទ៖ ការវះកាត់បែបវះបើកឆ្អឹងជំនីចំហៀង (Open donor nephrectomy) និងការវះកាត់ដោយកាមេរ៉ា (Laparoscopic donor nephrectomy)
- ការវះកាត់បែបវះបើកឆ្អឹងជំនីចំហៀង (Open donor nephrectomy) គឺជាការវះកាត់ដែលត្រូវការ ប្រើថ្នាំសន្លប់ ដោយប្រើពេលវះកាត់ ២-៣ម៉ោង។ ការវះកាត់ប្រភេទនេះមានស្នាមវះប្រវែងប្រហែល ១០-១២ អ៊ីញ ត្រូវការពេលសម្រាកព្យាបាលក្នុងមន្ទីរពេទ្យប្រហែល ៧ថ្ងៃ ព្រោះអ្នកជំងឺនឹងមានការឈឺចាប់ឬស្ពឹកក្រោយការវះកាត់។ បន្ទាប់មក អ្នកបរិច្ចាគអាចត្រឡប់ទៅរកជីវិតធម្មតាវិញក្នុងរយៈពេល ៤-៦សប្តាហ៍
- ការវះកាត់ដោយកាមេរ៉ា (Laparoscopic donor nephrectomy) គឺជាការវះកាត់ដោយកាមេរ៉ាដែលត្រូវប្រើថ្នាំសន្លប់ដើម្បីយកតម្រងនោមចេញ ការវះកាត់ចំណាយពេល ១-២ ម៉ោង វិធីសាស្រ្ដនេះនិងធ្វើឪ្យអ្នកជំងឺមានមុខរបួសតូចជាង មានការឈឺចាប់ឬស្ពឹកពីការវះកាត់តិចជាង និងមានរយៈពេលនៃការជាសះស្បើយខ្លីជាងការវះកាត់បើកចំហ ដូច្នេះទើបការសម្រាកនៅមន្ទីរពេទ្យមានរយៈពេលខ្លីជាង ប្រហែលជា៣ថ្ងៃ បន្ទាប់មកម្ចាស់ជំនួយអាចវិលមករកជីវិតធម្មតាវិញក្នុងរយៈពេល១-២សប្តាហ៍
បន្ទាប់ពីអ្នកបរិច្ចាគតម្រងនោមបានបរិច្ចាគតម្រងនោមដល់អ្នកជំងឺខ្សោយតម្រងនោមដំណាក់កាលចុងក្រោយ អាចរស់នៅដូចមនុស្សធម្មតា ដោយសារតែការជ្រើសរើសអ្នកបរិច្ចាគ វេជ្ជបណ្ឌិតនឹងពិនិត្យដោយប្រុងប្រយ័ត្ននូវកត្តាជាច្រើនរួមគ្នា ដើម្បីធានាថាការមានតម្រងតែមួយគឺគ្រប់គ្រាន់ដើម្បីយកកាកសំណល់ និងទឹកលើសចេញពីរាងកាយបាន ក៏ដូចជានៅតែអាចបំពេញមុខងារតម្រងនោមផ្សេងទៀតបានយ៉ាងល្អ លើសពីនេះទៅទៀត អាយុសង្ឃឹមរស់របស់អ្នកបរិច្ចាគតម្រងគឺវែងដូចមនុស្សធម្មតាដែរ គ្រាន់តែជៀសវាងសកម្មភាពដែលអាចបង្កគ្រោះថ្នាក់ ឬបង្កហានិភ័យដល់តម្រងដែលនៅសេសសល់ និងក្នុងអំឡុងពេល 1 ខែបន្ទាប់ពីការវះកាត់។ អ្នកបរិច្ចាគតម្រងនោមគួរតែទៅជួបគ្រូពេទ្យដើម្បីពិនិត្យមុខងារតម្រងនោម និងសុខភាពរាងកាយទូទៅ ហើយបន្ទាប់ពីនោះ អ្នកគួរតែទៅជួបគ្រូពេទ្យដើម្បីពិនិត្យសុខភាពយ៉ាងហោចណាស់ជាប្រចាំរាល់ឆ្នាំ
បន្ទាប់ពីការផ្លាស់ប្តូរតម្រងនោមរួច តើតម្រងនោមនឹងអាយុកាលប្រើប្រាលើប៉ុន្មាន? វាអាស្រ័យទៅលើកត្តាជាច្រើនឧទាហរណ៍ តម្រងពីអ្នកបរិច្ចាគដែលនៅរស់ មានឱកាសប្រើប្រាស់បានយូរជាងអ្នកទទួលតម្រងពីអ្នកបរិច្ចាគដែលមានបញ្ហាខួរក្បាល មុខងារតំរងនោមដើមរបស់អ្នកបរិច្ចាគ អាយុ ឬជំងឺពីកំណើត គឺជាកត្តាសំខាន់ទាំងអស់
ទោះជាយ៉ាងណាក៏ដោយ សារៈសំខាន់គឺការបន្តការថែទាំដោយខ្លួនឯងរបស់អ្នកជំងឺ បន្ទាប់ពីបានទទួលការប្តូរតម្រងនោម អាកប្បកិរិយាសមស្រប និងការគ្រប់គ្រងការលេបថ្នាំទៀងទាត់ វានឹងធ្វើឱ្យតម្រងនោមមានអាយុវែងបំផុត
សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់
មជ្ឈមណ្ឌលវេជ្ជសាស្ត្រផ្ទៃក្នុង, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000
- Readers Rating
- Rated 5 stars
5 / 5 ( Reviewers) - Spectacular
- Your Rating
