ទាញកំណកឈាមចេញ ស្ដារនីតិសម្បទាខួរក្បាល ការព្យាបាលជំងឺស្ទះសរសៃឈាមខួរក្បាលដែលត្រឹមត្រូវ

មាន​អារម្មណ៍ថា​ស្ពឹក​ដៃ​ជើង មានអាការៈវៀចមុខមាត់ និយាយមិនច្បាស់ អាការៈទាំងនេះ​អាច​ជា​សញ្ញា​ព្រមាន​នៃ​ជំងឺ​ដាច់​សរសៃឈាម​ខួរក្បាល។ ជំងឺដែលឆក់យកជីវិតរបស់ប្រជាជនថៃជាច្រើន ហើយវាប៉ះពាល់យ៉ាងធ្ងន់ធ្ងរដល់គុណភាពជីវិតរហូតដល់ពិការ ប្រសិនបើមិនបានទទួលការព្យាបាលទាន់ពេលវេលា

វេជ្ជបណ្ឌិត Pongsakorn Pongsapas គ្រូពេទ្យឯកទេសប្រព័ន្ទប្រសាទ នៃមន្ទីរពេទ្យវេជ្ជថានី បានពន្យល់ថា ជំងឺដាច់សរសៃឈាមខួរក្បាល ត្រូវបានគេស្គាល់ផងដែរថាជា ជំងឺស្ទះសរសៃឈាមខួរក្បាល (Ischemic Stroke) គឺជាផ្នែកមួយនៃការសង្គ្រោះបន្ទាន់ផ្នែកវេជ្ជសាស្រ្តដែលបណ្តាលមកពីការស្ទះនៃកំណកឈាមនៅក្នុងសរសៃឈាមខួរក្បាល បង្កឱ្យឈាមមិនអាចហូរទៅផ្នែកខ្លះនៃខួរក្បាល ជាលទ្ធផលធ្វើឪ្យជាលិកាខួរក្បាលត្រូវបានខូចខាត រហូតដល់មានអាការខុសប្រក្រតី ដូចជា ទន់ខ្សោយ ស្ពឹកដៃជើងមួយចំហៀងខ្លួន និយាយមិនច្បាស់ មើលឃើញបែកចេញជាពីរ បាត់បង់ការមើលឃើញមួយចំហៀង វិលមុខធ្ងន់ធ្ងរ បាត់បង់តុល្យភាព ឈឺក្បាលធ្ងន់ធ្ងរនិងភ្លាមៗដោយមិនដឹងមូលហេតុ។ ប្រសិនបើមិនបានព្យាបាលភ្លាមៗទេ អាចបណ្តាលឱ្យខូចខួរក្បាលជារៀងរហូត ធ្វើឱ្យពិការឬស្លាប់បាន។ ការព្យាបាលដោយការទាញកំណកឈាមចេញ (Clot Retrieval) ជាមួយនឹងបច្ចេកវិទ្យា Biplane DSA នឹងជួយបង្កើនឱកាសនៃការជាសះស្បើយរបស់អ្នកជំងឺ

មូលហេតុនៃការស្ទះសរសៃឈាមខួរក្បាល អាចបណ្តាលមកពីកត្តាជាច្រើន រួមមាន៖

• សម្ពាធឈាមខ្ពស់៖ ​ជា​មូលហេតុ​ចម្បងដែលធ្វើជញ្ជាំង​សរសៃឈាមរងរបួស និង​បណ្តាល​ឱ្យ​មាន​កំណក​ឈាម 
• ជំងឺទឹកនោមផ្អែម៖ កម្រិតជាតិស្ករក្នុងឈាមខ្ពស់ធ្វើឱ្យសរសៃឈាមចុះខ្សោយ និងរឹងយ៉ាងងាយ
• កូលេស្តេរ៉ុលខ្ពស់៖ ខ្លាញ់​ក្នុង​ឈាម​ខ្ពស់​បណ្តាល​ឱ្យ​មាន​ស្រទាប់​ខ្លាញ់​ក្នុង​ជញ្ជាំង​សរសៃឈាម បង្កើនឱកាសនៃការកកឈាម
• អាកប្បកិរិយារបៀបរស់នៅដូចជាការជក់បារី ការផឹកស្រា ហើយ​ការ​ញ៉ាំ​អាហារ​សម្បូរ​ជាតិ​ខ្លាញ់​បង្កើន​ឱកាស​នៃ​ការ​ស្ទះនៃសរសៃឈាម​

នាពេលបច្ចុប្បន្ន ការស្ទះសរសៃឈាមខួរក្បាលត្រូវបានព្យាបាលដោយប្រើបច្ចេកទេសទាញកំណកឈាម ឬត្រូវបានគេស្គាល់ថាជា Thrombectomy គឺជាការព្យាបាលដ៏មានប្រសិទ្ធភាពមួយសម្រាប់ការយកកំណកឈាមដែលស្ទះនៅក្នុងសរសៃឈាមខួរក្បាលចេញ។ នីតិវិធីនឹងត្រូវបានអនុវត្តដោយវេជ្ជបណ្ឌិតឯកទេសខាងប្រព័ន្ធប្រសាទនិងសរសៃឈាមខួរក្បាល។ វេជ្ជបណ្ឌិតនឹងបញ្ចូលបំពង់បូមតូចមួយចូលទៅក្នុងសរសៃឈាមនៅក្រលៀន ដើម្បីយកកំណកឈាមចេញពីសរសៃឈាមដែលស្ទះនៅក្នុងខួរក្បាល

បច្ចេកវិទ្យាដែលជួយធ្វើឱ្យការព្យាបាលនេះមានប្រសិទ្ធភាពខ្ពស់គឺការប្រើប្រាស់ Biplane DSA (Biplane Digital Subtraction Angiography) ដែលជាបច្ចេកវិទ្យាថតកាំរស្មី 2D ដែលអនុញ្ញាតឱ្យគ្រូពេទ្យមើលឃើញសរសៃឈាម និងកំណកឈាមក្នុងខួរក្បាលយ៉ាងលម្អិត និងច្បាស់ពីមុំជាច្រើនក្នុងពេលតែមួយ ធ្វើឱ្យវេជ្ជបណ្ឌិតអាចទាញកំណកឈាមបានយ៉ាងច្បាស់លាស់ និងសុវត្ថិភាពកាន់តែច្រើន

មន្ទីរពេទ្យវេជ្ជថានី មាន​ក្រុម​វេជ្ជបណ្ឌិត​ជំនាញ​ផ្នែក​ប្រព័ន្ធប្រសាទនិង​សរសៃ​ឈាម​ខួរក្បាល ដែល​ត្រៀម​ខ្លួន​ជា​ស្រេច​ក្នុង​ការ​ព្យាបាល​អ្នក​ជំងឺ​ជាមួយ​នឹង​បច្ចេកទេសទាញកំណក​ឈាម​តាម​រយៈ Biplane DSA បច្ចេកវិទ្យា​ទំនើប​នេះ​នឹង​បង្កើន​ភាព​សុក្រឹត​ក្នុង​ការ​ព្យាបាល និង​កាត់​បន្ថយ​ហានិភ័យ​នៃ​នីតិវិធី អនុញ្ញាតឱ្យអ្នកជំងឺទទួលបានការថែទាំយ៉ាងទូលំទូលាយ

គុណសម្បត្តិនៃការព្យាបាលដោយប្រើបច្ចេកទេសនៃការទាញកំណកឈាមតាមរយៈ Biplane DSA មានដូចខាងក្រោម៖

• កាត់បន្ថយការខូចខាតដល់ខួរក្បាល ការកំចាត់កំណកឈាមចេញយ៉ាងឆាប់រហ័ស កាត់បន្ថយការខ្វះអុកស៊ីសែនរបស់ខួរក្បាល និងកាត់បន្ថយការខូចខាតកោសិកាខួរក្បាល
• បង្កើនឱកាសនៃការស្ដារនីតិសម្បទា អ្នកជំងឺដែលទទួលការព្យាបាលទាន់ពេលវេលា មានឱកាសខ្ពស់ក្នុងការស្តារមុខងារខួរក្បាល និងរាងកាយឡើងវិញ
• កាត់បន្ថយហានិភ័យនៃការខូចខាតបន្ថែមទៅលើជាលិកាខួរក្បាល ភាពត្រឹមត្រូវនៃ Biplane DSA កាត់បន្ថយហានិភ័យនៃការបង្កការខូចខាតបន្ថែមដល់សរសៃឈាម ឬជាលិកាខួរក្បាល
• កាត់បន្ថយពេលវេលានៃការព្យាបាល ការប្រើ Biplane DSA អនុញ្ញាតឱ្យគ្រូពេទ្យធ្វើការដកកំណកឈាមចេញកាន់តែលឿន កាត់បន្ថយពេលវេលាព្យាបាល និងបង្កើនឱកាសនៃការជាសះស្បើយរបស់អ្នកជំងឺ

ការព្យាបាលដោយប្រើបច្ចេកទេសទាញកំណកឈាម សាកសមសម្រាប់អ្នកជំងឺដែលមានជំងឺស្ទះសរសៃឈាមខួរក្បាល ដែលបានមកដល់មន្ទីរពេទ្យក្នុងរយៈពេល 4-6 ម៉ោងបន្ទាប់ពីការចាប់ផ្តើមមានរោគសញ្ញា ក្នុងករណីដែលអ្នកជំងឺទទួលការព្យាបាលក្នុងអំឡុងពេលនេះ ឱកាសនៃការស្តារមុខងារខួរក្បាលឡើងវិញគឺខ្ពស់បំផុត

ទោះយ៉ាងណាក៏ដោយ ប្រសិនបើអ្នក ឬអ្នកដែលជិតស្និទ្ធនឹងអ្នកមានរោគសញ្ញា កំណកឈាមក្នុងខួរក្បាល អ្នកគួរតែទៅជួបគ្រូពេទ្យជាបន្ទាន់ ព្រោះរាល់នាទីដែលឆ្លងកាត់មានន័យថាជាការខូចខាតនៃខួរក្បាល ការព្យាបាលទាន់ពេលវេលាជាមួយនឹងបច្ចេកវិទ្យាទំនើបបង្កើនឱកាសនៃការស្ដារនីតិសម្បទា និងកាត់បន្ថយហានិភ័យដល់អាយុជីវិត

សម្រាប់ព័ត៌មានបន្ថែម ឬធ្វើការណាត់, សូមទាក់ទងមកកាន់

មជ្ឈមណ្ឌលប្រព័ន្ធសរសៃប្រសាទ, មន្ទីរពេទ្យវេជ្ជថានី
សេវាកម្មទូរស័ព្ទ ២៤ម៉ោង: (+66)89-201-9000