စက်ရုပ်အကူအညီဖြင့် ခွဲစိတ်ခြင်းသည် ဒူးခေါင်းအစားထိုးခွဲစိတ်ခြင်း၏  အခရာဖြစ်သည်၊

နေ့စဉ်ဘ၀တွင်  နာတာရှည် နာကျင်ကိုက်ခဲမှု ဝေဒနာခံစားရမှုနှင့် လုပ်ငန်းဆောင်တာများ အနှောင့်အယှက်ဖြစ်စေသည့် သိသာထင်ရှားသောအကြောင်းရင်းများသည် သက်ကြီးရွယ်အိုများစွာကို စိန်ခေါ်မှုတစ်ရပ်ဖြစ်စေသည်။ မဖြေရှင်းဘဲထားခဲ့ပါက ရောဂါလက္ခဏာများ ပိုတိုးလာနိုင်ပြီး ဒူးဆစ်၏ ပုံပျက်ခြင်းကို ဖြစ်စေနိုင်သည်၊ လမ်းလျှောက်ရာတွင် အလွန်ခက်ခဲခြင်း ပိုမိုစိပ်လာသည်ကို မကုသပဲ ကြာရှည်ထားပါက မကြာမှီတွင် ခွဲစိတ်ရန် လိုအပ်လာနိုင်သည့် အခြေအနေဖြစ်ပေါ်စေနိုင်သည်။ နှစ်ပေါင်းများစွာအတွင်း၊ Vejthani ဆေးရုံသည် အထူးသဖြင့် ဒူးဆစ်နှင့် တင်ပါးဆုံရိုးအစားထိုးခြင်းဆိုင်ရာ ကုသမှုများတွင် နောက်ဆုံးပေါ်ဆေးဘက်ဆိုင်ရာနည်းပညာကို တသမတ်တည်းအသုံးပြုခဲ့ပြီး၊ အထူးသဖြင့် Minimally Invasive Surgery (MIS) နှင့် Total Knee Arthroplasty in Computer Assisted Surgery များကို စတင်အသုံးပြုနေပြီဖြစ်ပါသည်။ အဆင့်မြင့်ဆေးဘက်ဆိုင်ရာကိရိယာများကို အသုံးပြုကာ ခွဲစိတ်မှုများအတွင်း အချိန်နှင့်တပြေးညီ ခွဲစိတ်မှုအချက်အလက်များကို ခွဲစိတ်ဆရာဝန်များအား ဖော်ပြကူညီပေးပြီး၊ ပိုမိုတိကျမှုနှင့် ဘေးကင်းမှုတို့ကို သိသာမြင့်မားစေပါသည်။ ဤနည်းသည် သက်ကြီးရွယ်အိုများကြားတွင် ဖြစ်ပေါ်နေသော စိန်ခေါ်မှုများကို သက်သာစေရန်နှင့် ဒူးခေါင်းအစားထိုးရာတွင်လည်း အမှားအယွင်းဖြစ်နိုင်ချေကို သိသိသာသာ ဖယ်ရှားပေးပါသည်။

ဒူးအရိုးအဆစ်ရောဂါရှာဖွေခြင်းတွင် တိုးတက်မှုများသည် Cartigram မှတစ်ဆင့် ရှုပ်ထွေးသောခွဲစိတ်မှုများကို တိကျသေချာအောင်လုပ်နိုင်စေခဲ့သည်။ Cartigram သည် ဒူးဆစ်အရိုးနုများ ယိုယွင်းလာမှုကို အတိအကျဖော်ပြပြီး ဒူးကျန်းမာရေးကို ကောင်းမွန်စွာ အကဲဖြတ်ပေးပါသည်။ မကြာသေးမီက၊ ဆေးရုံသည် ခွဲစိတ်မှုအတွင်း တိကျမှုနှင့် တိကျမှုကို မြှင့်တင်ရန် ခွဲစိတ်မှုဆိုင်ရာ လုပ်ငန်းစဉ်များတွင် စက်ရုပ်များကိုပါ ထည့်သွင်းထားခြင်းဖြင့် ခွဲစိတ်မှုများရလာဒ်ကို အလွန်ကောင်းမွန်လာစေသည်မှာတော့ အမှန်ပင်ဖြစ်ပါသည်။ Cartigram သည် ဒူးဆစ်အရိုးနုများ ယိုယွင်းလာမှုကို အတိအကျဖော်ပြပြီး ဒူးကျန်းမာရေးကို ကျယ်ပြန့်စွာ အကဲဖြတ်ပေးပါသည်။

Vejthani ဆေးရုံမှ Total Joint Reconstruction Surgeon ဒေါက်တာ Premstien Sitithanapipat က ဒူးအရိုးအဆစ်ရောင်ခြင်းသည် သက်ကြီးရွယ်အိုများနှင့် ဆက်စပ်လေ့ရှိပြီး အဖြစ်များသော်လည်း ယနေ့ခေတ်လူငယ်များတွင် ပိုမိုတွေ့ရှိရကြောင်း ထုတ်ဖော်ပြောကြားခဲ့သည်။ ၎င်း၏ကုသမှုကို လျစ်လျူရှုခြင်းသည် နေ့စဉ်လူနေမှုဘဝအပေါ် ကြီးမားသော သက်ရောက်မှုရှိနိုင်သည်။ ပြင်းထန်သောအခြေအနေများတွင်၊ ခွဲစိတ်မှုဆိုင်ရာ ကိစ္စရပ်များ လိုအပ်နိုင်သည်။ Vejthani ဆေးရုံသည် စက်ရုပ်အကူခွဲစိတ်မှု၏ပေါင်းစပ်မှုဖြင့် ပိုမိုကောင်းမွန်သော Computer Assisted Surgery ၏အကူအညီဖြင့် ဒူးအစားထိုးခွဲစိတ်မှုများ၏ အောင်မြင်မှုကို မြှင့်တင်ထားပါသည်။ ဤနည်းပညာများသည် ခွဲစိတ်မှုလုပ်ထုံးလုပ်နည်းများ၏ တိကျမှုကို မြှင့်တင်ရာတွင် အဓိကအခန်းကဏ္ဍမှပါဝင်ပြီး ခွဲစိတ်မှု၏ ထိရောက်မှုကိုပါ တိုးမြင့်စေသည်။

စက်ရုပ်အကူအညီဖြင့် ခွဲစိတ်ခြင်းသည် ပြင်းထန်သော ဒူးအရိုးအဆစ်ရောင်ဝေဒနာရှင်များအတွက် အကျိုးပြုသလို လူနာများသည်လည်း ခွဲစိတ်ပြီးနောက် ရွှင်လန်းတက်ကြွစွာဖြင့် မိမိပုံမှန်နေထိုင်သော လူနေမှုပုံစံကို ပြန်လည်ရရှိစေကာ ရုပ်ပိုင်းဆိုင်ရာလှုပ်ရှားမှုများတွင် ပုံမှန်ဒူးအခြေအနေကို ပြန်လည်ရရှိနိုင်သည်။ ခွဲစိတ်ပြီးနောက် 24 နာရီအတွင်း လူနာများသည် မတ်တပ်ရပ်ခြင်း၊ လမ်းလျှောက်ခြင်း သို့မဟုတ် ဒူးဆစ်များကို ‌ကောင်းမွန်စွာ လှုပ်ရှားနိုင်မည်ဖြစ်ပါသည်။ ခွဲစိတ်မှုသည် သေးငယ်ပြီး မသက်မသာဖြစ်မှုကို လျော့နည်းစေပြီး နောက်ဆက်တွဲပြဿနာများ ဖြစ်နိုင်ခြေကို လျှော့ချပေးသည်။

“စက်ရုပ်သုံးခြင်းများသည် လူနာများအတွက် ၎င်း၏ကုသမှုရလာဒ်များကို အားသာချက်များဖြစ်စေသည့်အပြင် ခွဲစိတ်ဆရာ၀န်များ၏ လက်ထောက်တစ်ဦးအဖြစ်ကဲ့သို့ပါ အရေးပါသော အခန်းကဏ္ဍမှ ပါဝင်ကာ ခွဲစိတ်မှုများကို စီစဉ်ဆောင်ရွက်ပေးရန်နှင့် ခွဲစိတ်မှုများကို အမှားအယွင်းမရှိလုပ်ဆောင်နိုင်ရန် ကူညီပေးပါသည်။ စက်ရုပ်-အကူအညီဖြင့် ခွဲစိတ်မှု၏ အားသာချက်မှာ မခွဲစိတ်မှီ အရိုး၏ အနေအထားကို ဆုံးဖြတ်နိုင်စွမ်းရှိပြီး ရည်ရွယ်ထားသော ပစ်မှတ်နှင့် လိုက်လျောညီထွေရှိစေရန်နှင့် အရိုးပျက်စီးမှု ဖြစ်နိုင်ခြေ အမှားအယွင်းများ ဖြစ်နိုင်ခြေကို နည်းပါးအောင် လျှော့ချပေးနိုင်သည်။ စက်ရုပ်ရှိလက်မောင်းသဖွယ် ကိရိယာသည် ပင်နံပါတ်မလိုအပ်ဘဲ အရိုးကို ထိန်းထားသည်။ ခွဲစိတ်မှုအား တိကျသေချာစွာ လုပ်ဆောင်နိုင်စေရန်အတွက် စက်ရုပ်သည် အရိုးကို ပစ်မှတ်ထားသော သတ်မှတ်အနေအထားကို ကျော်သွားပါက အလိုအလျောက် ရပ်တန့်သွားမည်ဖြစ်သည်။ ခွဲစိတ်ဆရာဝန်၏ အတွေ့အကြုံနှင့် ကျွမ်းကျင်မှုတို့ဖြင့် အဆိုပါနည်းပညာများနှင့်အတူ ပေါင်းစပ်ထားသော အဆစ်အတုကို မူလပုံစံနှင့် အနီးစပ်ဆုံးအနေအထားသို့ ပြန်လည်ရောက်ရှိစေပြီး ဒူး၏သဘာဝနှင့် တိကျသောလုပ်ဆောင်နိုင်စွမ်းကို အပြည့်အဝပြန်လည်ရရှိစေသည်” ဟု ဒေါက်တာပရမ်စတီယန်က ပြောကြားခဲ့သည်။

ပိုမိုကောင်းမွန်သော လူနေမှုဘဝအတွက် နည်းပညာဆိုင်ရာ ကုသမှုများ၏ ရှေ့တန်းမှဖြစ်သော Vejthani ဆေးရုံသည် မကြာမီတွင် ဒူးအစားထိုးခွဲစိတ်မှုတွင် နောက်ထပ်တိုးတက်မှုများစွာကို ဆက်လက်ရှာဖွေနေမည်ဖြစ်သည်။ ဤဆန်းသစ်သောနည်းပညာများသည် အဆစ်အတွင်းရှိ အရွတ်ဖိအားနှင့် တင်းမာမှုကို တိကျစွာတိုင်းတာပေးမည်ဖြစ်သည်။ ထို့ပြင် ခွဲစိတ်ဆရာဝန်များအား ခွဲစိတ်ရာတွင် အရွတ်နှင့်အရိုးများကို တတ်နိုင်သမျှ ဂရုတစိုက်ထိန်းသိမ်းနိုင်စေကာ တစ်သျှူးများပြတ်တောက်မှုကို လျော့နည်းစေပြီး မြန်မြန်ပြန်လည်ကောင်းမွန်လာစေသည်။ ဒူးအရိုးအဆစ်ရောင်ခြင်း၊ ပုံမှန်မဟုတ်သော နာကျင်ခံစားမှုများ သို့မဟုတ် ဆက်တိုက် ဒူးနာခြင်း လက္ခဏာများ ခံစားရပါက ဒူးခေါင်းနှင့်အရိုးဆိုင်ရာအထူးကုနှင့် တိုင်ပင်ပြီးစောစီးစွာ ကုသမှုခံယူခြင်းက သင့်အား နာတာရှည်နာကျင်ခြင်းမှ ကယ်တင်နိုင်ပြီး သင့်နေ့စဉ်ဘဝသို့ ချောမွေ့စွာပြန်သွားနိုင်ရန် ဖန်တီးပေးနိုင်မည်ဖြစ်ပါသည်။