သည် အသက်ရှူလမ်းကြောင်းဆိုင်ရာ ချို့ယွင်းပျက်စီးမှု၏ အဓိကအကြောင်းအရင်းဖြစ်သည်။

ဖျားခြင်း၊ ပင်ပန်းနွမ်းနယ်ခြင်းနှင့် အသက်ရှူမဝခြင်းတို့နှင့်အတူ အသက်ရှူသည့်အခါ ရင်ဘတ်အောင့်ခြင်း နာကျင်ခြင်းများဆက်တိုက်ဖြစ်‌ေပါ်လာခြင်းသည် pleural empyema ၏ လက္ခဏာများ ဖြစ်နိုင်သည်။ များသောအားဖြင့် ရောဂါပိုးကူးစက်ပြီးနောက် ဖြစ်ပွားတတ်ပါသည်။ အချိန်မီ မကုသပါက အသက်ရှုလမ်းကြောင်း ချို့ယွင်းပြီး နောက်ဆုံးတွင် အသက်သေဆုံးနိုင်သည်။

Vejthani ဆေးရုံမှ နှလုံးသွေးကြောဆိုင်ရာ ခွဲစိတ်ဆရာဝန် ဒေါက်တာ Chawakorn Leampribun မှ ရှင်းပြသည်မှာ ခန္ဓာကိုယ်တွင် ရောဂါပိုးဝင်ခြင်း အထူးသဖြင့် ပြင်းထန်သောတုပ်ကွေး သို့မဟုတ် အဆုတ်ရောင်ခြင်းကဲ့သို့သော အသက်ရှူလမ်းကြောင်းဆိုင်ရာ ကူးစက်ရောဂါများ ဖြစ်ပွားသည့်အခါတွင် pleural cavity အတွင်းတွင် ပြည်များ ဖြစ်ပေါ်နိုင်ပြီး အဆုတ်သည် ပုံမှန်အလုပ်လုပ်သကဲ့သို့ ကျုံ့ခြင်း/ပြန်ချဲ့လာခြင်းတို့ မလုပ်နိုင်တော့ပါ။ ရလာဒ်အနေဖြင့် အသက်ရှုကျပ်ခြင်း၊ အသက်ရှူမဝခြင်း၊ ဖျားခြင်း၊ ချောင်းဆိုးခြင်းတို့ ဖြစ်တတ်ပါသည်။ အပြင်းထန်ဆုံး လက္ခဏာမှာ အသက်ရှုလမ်းကြောင်း ချို့ယွင်းခြင်း နှင့် အသက်ရှူကိရိယာကို အသုံးပြုလာရခြင်း နှင့် အင်္ဂါအစိတ်အပိုင်း ချို့ယွင်းခြင်း တို့ကို ဖြစ်စေနိုင်ကာ သွေးကြောများ အတွင်း ပိုးဝင်ခြင်း ဖြစ်နိုင်ခြေ ရှိလာပါသည်။

မည်သူမဆို pleural empyema ဖြစ်ပေါ်လာနိုင်သော်လည်း၊ ဆီးချို၊ ကျောက်ကပ်အားနည်းခြင်းနှင့် ကိုယ်ခံအားကျဆင်းမှုကဲ့သို့သော အခံရောဂါရှိသူများသည် အခြားသူများထက် ကူးစက်ခံရနိုင်ခြေ ပိုများသည်။ ထို့အပြင်၊ အရင်းခံရောဂါမရှိသူများသည် ဖျားနာမှုများအတွင်း သို့မဟုတ် ကိုယ်ခံစွမ်းအားနိမ့်ကျနေချိန်တွင် pleural empyema ဖြစ်နိုင်ချေပိုများသည်။

Pleural empyema သည် ရင်ဘတ်ဓာတ်မှန်ရိုက်ခြင်းဖြင့် pleural space တွင် အရည်များ သို့မဟုတ် ပြည်များထွက်ခြင်းရှိမရှိကို စစ်ဆေးနိုင်ပါသည်။ အကယ်၍ ဆရာဝန်သည် ရောဂါရှာဖွေမှုကို အတည်ပြုရန် ပိုမိုအသေးစိတ်စစ်ဆေးရန်လိုအပ်ပါက၊ နောက်ထပ်စစ်ဆေးမှုများအတွက် ရင်ဘတ် CT စကင်န်ရိုက်ရန် အကြံပြုပါမည်။

pleural empyema အတွက် ကုသခြင်းသည် ဖြစ်ပေါ်လာ‌သော ပြည်များကို အဓိက ဖယ်ရှားရန် လိုအပ်သည်။ ဆရာဝန်သည် ပဋိဇီဝဆေးများကို ညွှန်ကြားပြီးနောက် မည်သည့်ကုသနည်းကပိုမို သင့်တော်သည်ကို ဆက်လက်ဆုံးဖြတ်ပေးမည်ဖြစ်ပါသည်။ ကုထုံး ၂ မျိုးဖြစ်နိုင်သည်။

• ရင်ဘတ်ပြွန်ထည့်သွင်းခြင်း- ၎င်းတွင် ပြည်များကို ထုတ်ရန်အတွက် pleural space အတွင်းသို့ ပြွန်တစ်ခု ထည့်သွင်းခြင်း ပါဝင်သည်။ သို့သော် လူနာသည် pleural cavity တွင် ပြည်ပမာဏများစွာရှိနေပါက ဤနည်းလမ်းသည် ပြည်များကို လုံးလုံးမထုတ်နိုင်ပါ။
• Surgical drain: ယခင်ကမူ ပြည်များကို ဖောက်ထုတ်ဖို့ ခွဲစိတ်မှုများလုပ်ကြသည်။ ဤလုပ်ထုံးလုပ်နည်းသည် ခွဲစိတ်ဒဏ်ရာကို ခန့်မှန်းခြေအားဖြင့် 8 မှ 10 စင်တီမီတာအထိ ရှည်လျားစေပြီး ခွဲစိတ်ပြီးနောက် ပြင်းထန်သောနာကျင်မှုကို ဖြစ်စေကာ နောက်ဆက်တွဲပြဿနာများ ဖြစ်လာနိုင်ခြေများသည်။ ကုသရေးနည်းလမ်းများသည် ယနေ့ခေတ်တွင် တိုးတက်လာသလို ယခုအခါ သေးငယ်သော ခွဲစိတ်မှုကို ဖြစ်သော မှန်ပြောင်းဖြင့် endoscopic ခွဲစိတ်မှုမှတစ်ဆင့် ပြည်များကို ဖယ်ရှားနိုင်ပြီဖြစ်ပါသည်။

သေးငယ်သောခွဲစိတ်မှုဖြစ်သည့် မှန်ပြောင်းဖြင့် endoscopic ခွဲစိတ်မှု (Video-Assisted Thoracoscopic Surgery, VATS) တွင် ခွဲစိတ်မှုမှတစ်ဆင့် ကင်မရာနှင့် ခွဲစိတ်ကိရိယာများ ထည့်သွင်းခြင်း ပါဝင်ပါသည်။ ဤနည်းလမ်းသည် ပြည်များကို လုံး၀ ရှင်းထုတ်နိုင်ပြီး ခွဲစိတ်မှု ရလဒ်ကို လွန်စွာကောင်းမွန်စေသည်။ လူနာခန္ဓာကိုယ်၏ နံဘေး၌ ၃-၄ စင်တီမီတာခန့် ရှည်သော ခွဲစိတ်ဒဏ်ရာ ရှိသည်။ ၎င်းသည် အချိန်တိုအတွင်းလုပ်ဆောင်နိုင်သလို ဆေးရုံတက်ခြင်းလည်း တိုတောင်သောကြောင့် ခွဲစိတ်ပြီးနောက်ပိုင်းတွင် လျင်မြန်စွာ ပြန်လည်ကောင်းမွန်လာစေပြီး နာကျင်မှုအနည်းငယ်သာ ခံစားရစေပါသည်။ ခွဲစိတ်ပြီးနောက်တွင်လည်း ကျန်ရှိသော ပြည်များကို ဆက်လက်ကုန်သွားစေရန် ပြည်ဆုတ်ပြွန်ကို ၁ ရက်မှ ၂ ရက်အထိ ခဏထားရပါသည်။ 
“အထက်ဖော်ပြပါ လက္ခဏာများ စတင်ခံစားရပါက သာမန်အအေးမိခြင်း၏ လက္ခဏာမဟုတ်သောကြောင့် မှန်ကန်သောရောဂါရှာဖွေရန် ဆရာဝန်နှင့် တိုင်ပင်ဆွေးနွေးပါ။ အဆုတ်အတွင်း ပြည်များရှိနေသည်ကို စစ်ဆေးတွေ့ရှိပါက စိတ်မပူပါနှင့်။ pleural empyema သည် ပြင်းထန်သော အဆုတ်အခြေအနေတစ်ခုဖြစ်သော်လည်း၊ ၎င်းကို ချက်ခြင်းရောဂါရှာဖွေခြင်းနှင့် မှန်ကန်သောဆေးကုသမှုဖြင့် ကုသနိုင်သည်။ အချိန်မီ မကုသပါက သင်၏ရောဂါလက္ခဏာများကို ပိုမိုဆိုးရွားစေပြီး အသက်ရှုလမ်းကြောင်းဆိုင်ရာ ချို့ယွင်းမှု သို့မဟုတ် ပိုဆိုးစေသော ကိုယ်တွင်းအင်္ဂါများ ချို့ယွင်းမှုဖြစ်စေနိုင်သည်” ဟု ဒေါက်တာ Chawakorn မှ ပြောကြားခဲ့သည်။