ကျွမ်းကျင်စွာ နှလုံးအဆို့ရှင်လဲလှယ်ခွဲစိတ်ခြင်း

နှလုံးအဆို့ရှင် အစားထိုး ခွဲစိတ်မှုသည် နှလုံးအဆို့ရှင်များ ကောင်းမွန်စွာ လုပ်ဆောင်နိုင်ခြင်း မရှိသော နှလုံးအဆို့ရှင်လူနာများအတွက် အရေးကြီးသော ကုထုံးတစ်ခုဖြစ်ပါသည်။

နှလုံးအဆို့ရှင် အစားထိုးခွဲစိတ်ရန် လိုအပ်သောအခါ

သွေးစီးဆင်းမှုကို ထိန်းချုပ်သည့် နှလုံးအဆို့ရှင်အစွန်းများကောင်းစွာမလုပ်ဆောင်နိုင်ခြင်း၊ နောက်ပြန်ယိုစိမ့်ခြင်း (valve regurgitation) သို့မဟုတ် သွေးလမ်းကြောင်းမှားစီးဆင်းစေခြင်း သို့မဟုတ် နှလုံးအဆို့ရှင်များ ကျဥ်းခြင်း သို့မဟုတ် ပုံမှန်ထက်ပိုမို ကျဉ်းမြောင်းလာသောအခါတွင် Valve အစားထိုးခွဲစိတ်မှု လိုအပ်ပါသည်။ ဤအခြေအနေမျိုးတွင်၊ ပုံမှန်နှလုံးလုပ်ဆောင်မှု ပြန်လည်ကောင်းမွန်ရန်နှင့် နောက်ထပ်နောက်ဆက်တွဲပြဿနာများကို ကာကွယ်ရန်၊ ခွဲစိတ်မှုများပေါင်းစပ်လုပ်‌ဆောင်ရန်လိုအပ်လာပြီဖြစ်ပါသည်။ 

• နှလုံးစွမ်းဆောင်ရည် ကျဆင်းခြင်း- နှလုံးသည် သွေးကို ထိရောက်စွာ စီးဆင်းရန် ပိုမိုလုပ်ဆောင်ရသော အခါ ပင်ပန်းနွမ်းနယ်ခြင်း၊ အသက်ရှုမဝခြင်းနှင့် နေ့စဉ်လုပ်ငန်းဆောင်တာများ လုပ်ဆောင်ရန် မစွမ်းဆောင်နိုင်ခြင်းတို့ ဖြစ်ပေါ်ပါသည်။
• Congestive Heart Failure ဖြစ်နိုင်ချေ- မကုသဘဲထားပါက၊ နှလုံးအဆို့ရှင်ရောဂါသည် ခန္ဓာကိုယ်၏ လိုအပ်သောနေရာများသို့ သွေးလုံလုံလောက်လောက် ရရှိရန် နှလုံးမှ မညှစ်ထုတ်နိုင်သော ပြင်းထန်သော အခြေအနေတစ်ခုဖြစ်သည့် congestive heart failure အဖြစ်သို့ ပြောင်းလဲသွားနိုင်သည်။
• နှလုံးအရွယ်အစားကြီးလာခြင်း- အချိန်ကြာလာသည်နှင့်အမျှ အဆို့ရှင်မလုံမှုကို မကုသနိုင်သေးပါက နှလုံးကို ပုံမှန်ထက် ကြီးလာစေနိုင်ပြီး၊ ၎င်းသည် နှလုံးကြွက်သားများ အားနည်းသွားကာ နှလုံးလုပ်ဆောင်မှု အားနည်းသွားနိုင်သည်။
• အသက်အန္တရာယ်ရှိသော နောက်ဆက်တွဲများ- ပြင်းထန်သော အဆို့ရှင်ရောဂါသည် ရုတ်တရက် နှလုံးသေဆုံးခြင်းအပါအဝင် အသက်အန္တရာယ်ရှိသော နောက်ဆက်တွဲပြဿနာများကို ဖြစ်ပေါ်စေနိုင်သည်။

နှလုံးအဆို့ရှင် အစားထိုးခွဲစိတ်မှု အမျိုးအစားများ

နည်းပညာများ တိုးတက်လာသည်နှင့်အမျှ၊ နှလုံးခွဲစိတ်မှုသည် လူနာအတွက် ပိုမိုလုံခြုံလာပြီး ခွဲစိတ်ဆရာဝန်များအတွက် ပုံမှန်ခွဲစိတ်မှုတစ်ခုဖြစ်လာသည်။ Vejthani ဆေးရုံသည် လူနာတစ်ဦးစီတွင် လိုအပ်ချက်များကို ဖြည့်ဆည်းပေးသည့် အဆင့်မြင့် ခွဲစိတ်မှုနည်းပညာများကို အထူးပြုထားပြီး ဘေးကင်းမှုနှင့် ခွဲစိတ်မှုအပြီး ပိုမိုကောင်းမွန်သော ဘဝအရည်အသွေးကို ရရှိစေရန် အမြဲဂရုစိုက်ပါသည်။

နှလုံးကိုဖွင့်ပြီး ခွဲစိတ်မှုလုပ်ခြင်း (Open Heart Surgery)

ဤသမားရိုးကျနည်းလမ်းသည် နှလုံးကို ကုသရန်ခွဲစိတ်ရာတွင် ရင်ဘတ်တွင် ကြီးမားသော ခွဲစိတ်မှုဖြင့် လုပ်ခြင်းဖြစ်ပါသည်။ ပြုပြင်ရန် သို့မဟုတ် အစားထိုးရန် လိုအပ်သော အဆို့ရှင်များစွာရှိသော လူနာများအတွက် သို့မဟုတ် နှလုံးအဆို့ရှင် ပျက်စီးမှု ဆိုးရွားလာသောအခါတွင် ယခုကုသနည်းကို အကြံပြုထားသည်။ နောက်ဆက်တွဲ နှလုံးအဆို့ရှင်ပြဿနာများရှိပါကလည်း coronary artery bypass graft ကဲ့သို့သော ကုထုံးဖြစ်သည့် နည်းလမ်းကိုစဥ်းစားကြပါသည်။ Open Heart ခွဲစိတ်မှုသည် ရှုပ်ထွေးခက်ခဲသောအခြေအနေများအတွက် နှလုံးသို့ တိုက်ရိုက်နည်းဖြင့် ကျယ်ကျယ်ပြန့်ပြန့် လုပ်ဆောင်နိုင်စေပါသည်။

ယင်းနှလုံးခွဲစိတ်မှုတွင် ရင်ဘတ်တွင် ကြီးမားသောခွဲစိတ်ဒဏ်ရာတစ်ခုဖြစ်စေကာ ရင်ဘတ်ရိုး sternum မှတစ်ဆင့် နံရိုးများကို ရွေ့လျားစေပြီး နှလုံးကို တိုက်ရိုက်မြင်နိုင်အောင် ခွဲစိတ်မှုကိုလုပ်ဆောင်ရခြင်းဖြစ်သည်။ သတ္တု၊ ပလတ်စတစ် သို့မဟုတ် တိရိစ္ဆာန်တစ်ရှူးများကဲ့သို့သော ဆေးပညာသုံးအထူးပြုလုပ်ထားသည့် ပစ္စည်းများသည် discs များနှင့်ဆင်တူသော အစားထိုးအဆို့ရှင်များဖြင့် လူနာ၏သဘာဝအဆို့ရှင်ကို အစားထိုးရန်အတွက် အသုံးပြုပါသည်။ ဤအဆို့ရှင်များကို နှလုံးသွေးလွှတ်ခန်းအနောက်တွင် ချည်နှောင်ထားသည်။ ခွဲစိတ်မှုဖွင့်ပြီးပါက ဆေးရုံတွင် တစ်ပတ်ခန့်နေရန် လိုအပ်ပြီး ရှစ်ပတ်မှ ၁၂ ပတ်အထိ ပြန်လည်ကောင်းမွန်ရန် အချိန်ယူရပါသည်။

Transcatheter Aortic Valve Implantation (TAVI)

ဤနည်းသည် နှလုံးပွင့်ခွဲစိတ်မှုတွင် အန္တရာယ်ပိုများသောလူနာများ အဆို့ရှင်အစားထိုးလိုအပ်သော အခါတွင် ကုသသင့်သောအကောင်းဆုံးကုထုံးဖြစ်သည်။ ၎င်းသည် သက်ကြီးရွယ်အိုများ သို့မဟုတ် သွေးကြောပိတ်သော လူနာများကဲ့သို့သော ကျန်းမာရေးပြဿနာများစွာရှိသူများအတွက်ပါ သင့်တော်သည်။

TAVI တွင် femoral သွေးလွှတ်ကြောမှတဆင့် catheter ကိုထည့်သွင်းကာ ထိုမှတဆင့် အဆို့ရှင်ရှိသည့်နေရာသို့ အဆို့ရှင်ကို ပို့ပြီးအစားထိုးခြင်းဖြစ်သည်။ TAVI ကုသမှုခံယူခြင်းသည် လုပ်နေစဥ် နှလုံးကို ရပ်ထားရန်မလိုအပ်သောကြောင့် လူနာအား နှလုံးအလုပ်လုပ်စက်ပေါ်တွင် အသုံးမပြုရသောကြောင့် အားသာချက်များစွာရှိသည်။ ခွဲစိတ်မှုဒဏ်နည်းသော ယင်းနည်းလမ်းသည် တစ်သျှူးဒဏ်ရာကို လျော့ကျစေပြီး ပြန်လည်နာလန်ထချိန်မြန်ဆန်စေသည်။

အနည်းဆုံး ထိုးဖောက်ခွဲစိတ်မှု (Minimally Invasive Surgery – MIS)

MIS သည် အဆို့ရှင် ခွဲစိတ်မှု လိုအပ်သော်လည်း ပြန်လည်ကောင်းမွန်ချိန် လျှော့ချရန်နှင့် ရုပ်ပိုင်းဆိုင်ရာ ထိခိုက်မှုနည်းသော လူနာများအတွက် ဖြစ်ပါသည်။ MIS ကို mitral valve အစားထိုးခြင်း၊ tricuspid valve ပြုပြင်ခြင်းနှင့် ရှုပ်ထွေးမှုနည်းသော valve အစားထိုးခြင်းများအတွက် အသုံးပြုလေ့ရှိသည်။

ဤနည်းလမ်းတွင် နံရိုးများမှတစ်ဆင့် နှလုံးသို့ရောက်ရှိရန် ရင်ဘတ်၏ညာဘက်ခြမ်းတွင် သေးငယ်သော ခွဲစိတ်မှုပြုလုပ်ခြင်းပါဝင်ပြီး ၎င်းသည် ပြန်လည်နာလန်ထချိန်ပိုမိုမြန်ဆန်စေပြီး နောက်ဆက်တွဲကျန်းမာ‌ရေးပြဿနာဖြစ်နိုင်ခြေကို အနည်းဆုံးဖြစ်စေသည်။ ခွဲစိတ်မှုမှာ သေးငယ်သောကြောင့် MIS သည် ခွဲစိတ်မှုထက် သွေးဆုံးရှုံးမှုနည်းပြီး အစားထိုးသွေးလိုအပ်မှု နည်းပါးသည်။ သေးငယ်သော ခွဲစိတ်မှုသည် ပိုးဝင်နိုင်ခြေနည်းပြီး ပတ်ဝန်းကျင်ရှိ တစ်သျှူးများသို့ ထိခိုက်ဒဏ်ရာများ လျော့နည်းစေကာ မြန်မြန်ပြန်ကောင်းလာစေသည်။

Valve Repair Surgery (အဆို့ရှင်ပြုပြင်ခွဲစိတ်ခြင်း)

အဆို့ရှင်ပုံမှန်မဟုတ်သော်လည်း အဆို့ရှင်ဖွဲ့စည်းပုံသည် နဂိုအတိုင်းရှိနေသောအခါတွင် ပြုပြင်ကုသခြင်းက အကောင်းဆုံးရွေးချယ်မှုဖြစ်သည်။ အဆို့ရှင်ကို ပြုပြင်ခြင်းသည် နှလုံးနှင့် လူနာ၏ တစ်သျှူးများကို ထိခိုက်မှုအနည်းဆုံးဖြစ်စေသည်။ နည်းပညာများတွင် အဆို့ရှင်ကို ပြန်လည်ပုံဖော်ခြင်း၊ ပိုလျှံနေသော တစ်ရှူးများကို ဖယ်ရှားခြင်း သို့မဟုတ် အဆို့ရှင်အတွင်းရှိ အပေါက်များကို ဖာထေးခြင်း ပါဝင်သည်။

နှလုံးအဆို့ရှင်ခွဲစိတ်မှုအတွက် Vejthani ဆေးရုံကိုရွေးချယ်နိုင်ပါသည်။

ကျွန်ုပ်တို့၏ နှလုံးအဆို့ရှင် အစားထိုးခွဲစိတ်မှုများကို လူနာတစ်ဦးစီအတွက် အသင့်လျော်ဆုံးနှင့် အထိရောက်ဆုံးကုသမှုကို ရရှိကြောင်း သေချာစေရန်အတွက် နောက်ဆုံးပေါ်နည်းပညာများကိုသာ အသုံးပြု၍ လုပ်ဆောင်ပါသည်။ ကျွန်ုပ်တို့၏ နှလုံးအထူးကုဆရာဝန်ကြီးများအဖွဲ့သည် အသေးစိတ်ခွဲစိတ်မှုမတိုင်မီ စစ်ဆေးအကဲဖြတ်မှုများ၊ ကျွမ်းကျင်သူခွဲစိတ်စောင့်ရှောက်မှုအဖွဲ့များနှင့် ခွဲစိတ်ပြီးနောက် ဆက်လက်လိုအပ်သည့် တစ်ဦးချင်းသီးသန့်လိုအပ်မှုအတွက် ကုသမှုအစီအစဉ်ကို ပေးစွမ်းနိုင်စေရန်အထိပါ ရည်ရွယ်ပါသည်။

အကယ်၍ သင်သည် နှလုံးခုန်နှုန်းဆိုင်ရာ ရောဂါလက္ခဏာများ သို့မဟုတ် အဆို့ရှင်အခြေ အနေရှိကြောင်း စစ်ဆေးတွေ့ရှိပါက အချိန်နောက်မကျပါစေနှင့် တတ်ကျွမ်းသောအထူးကုဆရာ၀န်များဖြင့် တိုင်ပင်ပြီး စောစီးစွာ ကုသခြင်းကို ပြုလုပ်သင့်သည်။