Ischemic stroke သည် အသံတိတ်ချိန်းခြောက်နေသောကျန်းမာရေးပြဿနာတစ်ခုဖြစ်သောကြောင့် သတိမထားပဲမနေသင့်ပါ

လေဖြတ်ခြင်းသည် ကမ္ဘာတဝှမ်းတွင် သေဆုံးစေသော ဒုတိယမြောက် အကြောင်းရင်းဖြစ်သည်။ ၎င်းသည် 2050 ခုနှစ်တွင် တစ်နှစ်လျှင် လူ 9.7 သန်း သေဆုံးနိုင်မည်ဟု ခန့်မှန်းထားသည်။ Ischemic stroke သည် အဖြစ်အများဆုံး အမျိုးအစားဖြစ်ပြီး ရောဂါဖြစ်ပွားမှု၏ 85% တွင် hemorrhagic stroke သည် 15% ဖြစ်သည်။ Ischemic Stroke သည် သွေးလွှတ်ကြောများ ပိတ်ဆို့ခြင်း သို့မဟုတ် ကျဉ်းမြောင်းခြင်းကြောင့် ဦးနှောက်သို့ သွေးထောက်ပံ့မှု ပြတ်တောက်သွားသောအခါ ဖြစ်ပေါ်သည်။ အများအားဖြင့် atherosclerosis သို့မဟုတ် သွေးလွှတ်ကြောများတွင် plaque များစုပုံခြင်းကြောင့်ဖြစ်သည်။

Ischemic လေဖြတ်ခြင်း၏ လက္ခဏာများမှာ ထုံကျင်ခြင်း၊ လက်နှင့် ခြေထောက်များ အားနည်းခြင်း၊ စကားပြောမပီပြင်လာခြင်း၊ မျက်နှာတစ်ခြမ်းရွဲ့ခြင်း၊ ဟန်ချက်မညီခြင်း နှင့် အမြင်အာရုံ ‌ေ၀၀ါးခြင်းများ ပါဝင်သည်။ ဆေးလိပ်သောက်သူများ၊ အထိုင်များသော လူနေမှုပုံစံများ၊ အဝလွန်ခြင်း ရာဇဝင်ရှိသူများ သို့မဟုတ် ကျန်းမာရေးနှင့် မညီညွတ်သော အစားအသောက် စားသုံးသူများသည် အထူးသဖြင့် ischemic လေဖြတ်ခြင်းကို ခံရနိုင်သည်။ ဤအချက်များအားလုံးသည် သွေးလွှတ်ကြောများ ကျဉ်းမြောင်းခြင်း၊ သွေးစီးဆင်းမှု ပုံမမှန်ခြင်း ကြောင့် ဦးနှောက်သို့ အောက်ဆီဂျင်ချို့တဲ့ခြင်းတို့ကို ဖြစ်စေနိုင်သည်။

လေဖြတ်ခြင်းသည် အလွန်ပြင်းထန်လာသောအခါ သေဆုံးခြင်းနှင့် မသန်စွမ်းမှုကို ဖြစ်စေနိုင်သည်။ မိမိပတ်၀န်းကျင်တွင် ပြင်းထန်သောလေဖြတ်ခြင်းအခြေအနေခံစားသူများရှိပါက ပျောက်ကင်းပြီး ပုံမှန်ဘဝပြန်ဖြစ်နိုင်ခြေကို တိုးမြင့်လာစေဖို့အတွက် အချိန်မီ ကုသမှုခံယူရန်တိုက်တွန်းပေးသင့်သည်။

Ischemic Stroke ၏ လက္ခဏာများ

Ischemic လေဖြတ်ခြင်း၏ ကနဦးလက္ခဏာများမှာ လက်နှင့်ခြေထောက်များတွင် ထုံကျင်ခြင်း၊ မူးဝေခြင်း၊ ဟန်ချက်ပျက်ခြင်း၊ လမ်းလျှောက်ရခက်ခဲခြင်း၊ အစာမျိုရခက်ခဲခြင်း၊ မျက်နှာအားရုံကြောများအားနည်းခြင်း၊ စကားပြောရခက်ခဲခြင်း သို့မဟုတ် ဦးနှောက်မှ အချက်အလက်များကို နားမလည်နိုင်ခြင်းတို့ ပါဝင်ပါသည်။ မှုန်ဝါးခြင်း သို့မဟုတ် အမြင်အာရုံဆုံးရှုံးခြင်း သို့မဟုတ် အမြင်နှစ်ထပ်ရခြင်းနှင့် ပြင်းထန်သော ခေါင်းကိုက်ခြင်းတို့ကိုလည်း ဖြစ်စေနိုင်သည်။ ဤရောဂါလက္ခဏာများစွာသည် အကုန်စုပြီးပေါ်လာတတ်သလို သို့မဟုတ် တစ်ခုချင်းစီလည်း ဖြစ်ပွားနိုင်သည်။

စောစီးစွာဆေးကုသမှုခံယူခြင်းသည် ပြီးပြည့်စုံသောပြန်လည်နာလန်ထူရန် အကောင်းဆုံးအခွင့်အရေးဖြစ်ပြီး ischemic လေဖြတ်ခြင်းမှ မသန်မစွမ်းဖြစ်ခြင်းကို တားဆီးရန်အတွက် အလွန်အရေးကြီးပါသည်။ သွေးခဲကို ဖြိုဖျက်ရန် အကြောဆေးများထိုးပေးနိုင်သည်။ သို့သော် ထိုသို့ထိုးခြင်းကို ရောဂါလက္ခဏာများ ပထမဆုံးပေါ်လာသောအခါ ချက်ခြင်းထိုးရန်လိုအပ်ပါမည်။ သင် သို့မဟုတ် သင့်မိသားစု၀င်များထဲမှ အထက်ဖော်ပြပါ လက္ခဏာများ တစ်ခုခုကို ခံစားရပါက ချက်ချင်း ဆေးကုသမှုခံယူပါ။ 

Ischemic Strokes အတွက်ကုသခြင်း

ယနေ့တွင် Ischemic Strokes ဖြစ်သောလူနာသည် ဖြစ်ပြီး ၄နာရီမှ ၉ နာရီအတွင်း တစ်ရှူးပလာစမီနိုဂျင် (tPA) ဆိုသောဆေးကိုထိုးနိုင်ပါက နာတာရှည်ခံစားရမည့်‌ေ၀ဒနာမှ အပြည့်အဝပြန်လည်နာလန်ထူရန်နှင့် မသန်မစွမ်းဖြစ်နိုင်ချေကို လျော့နည်းနိုင်မည်ဖြစ်ပါသည်။ Mechanical thrombectomy ဟုခေါ်သော endovascular နည်းပညာဖြင့်လည်း လေဖြတ်ရောဂါလက္ခဏာများကို လျော့ပါးစေနိုင်သည်။

လေဖြတ်ဝေဒနာရှင်များသည် လေဖြတ်ပြီးနောက် ဖြစ်ပေါ်တတ်သော ဖိအားနှင့် ဦးနှောက်ရောင်ရမ်းခြင်းကို လျှော့ချရန် ဆေးဝါးများဖြင့်လည်း ကုသနိုင်ပါသည်။ လေဖြတ်ခြင်းကို ကုသရာတွင် အောက်ဆီဂျင်နှင့် IV အာဟာရတို့ကိုလည်း အသုံးပြုနိုင်ပါသည်။

စောစီးစွာချက်ခြင်းကုသနိုင်ခြင်းသည် အသက်အန္တရာယ်ရှိသော နောက်ဆက်တွဲပြဿနာများကို ကာကွယ်နိုင်ပြီး မသန်စွမ်းဖြစ်နိုင်ခြေကို လျှော့ချနိုင်ပြီး ပြန်လည်ထူထောင်ရေးမှတစ်ဆင့် လူနာအား တတ်နိုင်သမျှ လုပ်ဆောင်နိုင်စွမ်းကို ပြန်လည်ရရှိစေရန် ကူညီပေးနိုင်သည်။

Ischemic Stroke ၏အန္တရာယ်အချက်များ

လူတိုင်း သတိထားသင့်သော ischemic လေဖြတ်ခြင်းနှင့်ပက်သက်ပြီး ဖြစ်နိုင်ခြေအချက်များစွာရှိပါသည်။ အဖြစ်များသောအန္တရာယ်အချက်များမှာ-

• ဆီးချိုရောဂါ
• သွေးတိုးရောဂါ ( ischemic stroke နှင့် hemorrhagic stroke ) ၊ hyperlipidemia ၊ atrial fibrillation ( နှလုံးခုန်မမှန်ခြင်း အမျိုးအစား )
• လူနေမှုပုံစံများ၊ လေ့ကျင့်ခန်း နည်းပါးခြင်းနှင့် ဆေးလိပ်သောက်ခြင်း။

Ischemic Stroke ကာကွယ်ခြင်း။

အဓိကကြိုတင်ကာကွယ်ခြင်းတွင် ischemic လေဖြတ်ခြင်းအန္တရာယ်ကိုလျှော့ချရန်လူတစ်ဦး၏နေထိုင်မှုပုံစံကိုချိန်ညှိရန်ဖြစ်သည်။ ၎င်းတွင် ဆေးလိပ်ဖြတ်ခြင်း၊ ခန္ဓာကိုယ်အလေးချိန်ကို ပုံမှန်အဆင့်သို့ ထိန်းထားခြင်း၊ ပုံမှန်လေ့ကျင့်ခန်းလုပ်ခြင်း၊ ကိုလက်စထရောပမာဏကို ထိန်းချုပ်ခြင်း၊ အရက်သေစာကို ရှောင်ကြဉ်ခြင်းနှင့် နှစ်စဉ် ကျန်းမာရေးစစ်ဆေးခြင်းများ ပါဝင်သည်။
Ischemic လေဖြတ်နိုင်ခြေကို စိုးရိမ်နေသူများအတွက်၊ နှစ်စဉ်နှစ်တိုင်း ကျန်းမာရေးစစ်ဆေးမှုခံယူရန် အရေးကြီးပါသည်။ ၎င်းသည် လေဖြတ်ခြင်း၏ အန္တရာယ်များနှင့် လေဖြတ်ခြင်းသို့ ဦးတည်နိုင်သည့် ရောဂါများကို အချိန်မှီတားဆီးနိုင်မည်ဖြစ်ပါသည်။