CT Calcium Score Diagnostic Test ဖြင့် သင့်နှလုံးရောဂါအန္တရာယ်ကို အကဲဖြတ်ပါ။

CT Calcium Score ဆိုတာ ဘာလဲ။

CT Calcium Score သည် Coronary Artery Calcium (CAC) Score ဟုလည်းသိကြပြီး၊ ယင်းသည် သွေးကြောနံရံများတွင် စုဆောင်းထားသော ကယ်လ်စီယမ်ပမာဏကို အကဲဖြတ်ရန် Computed Tomography (CT Scan) ကိုအသုံးပြုသည့်အပြင် ပျံ့နှံ့မှုမရှိသော ဓာတ်ရောင်ခြည်ကိုသုံးကာ စစ်ဆေးခြင်းတစ်ခုဖြစ်သည်။ ဤစစ်ဆေးမှုသည် atherosclerosis ၏သိသာထင်ရှားသောညွှန်ပြချက်တစ်ခုအဖြစ်ဆောင်ရွက်နိုင်သည် (အလွှာများစုပုံလာပြီး သွေးကြောများကိုကျဉ်းစေသည့်အခြေအနေ) နှင့် နှလုံးသွေးကြောဆိုင်ရာရောဂါများ၏ နောင်ဖြစ်လာမည့်အန္တရာယ်များကိုကြိုတင်ခန့်မှန်းကူညီပေးသည်။

CT Calcium Score သည် ဆရာဝန်များအား ထိရောက်သော နှလုံးကျန်းမာရေး ကုသခြင်းတို့အတွက် စီစဉ်ကူညီပေးရာတွင် အလွန်အသုံး၀င်သော ရောဂါရှာဖွေစမ်းသပ်မှုတစ်ခုဖြစ်သည်။

CT Calcium Score Test သည် အဘယ်ကြောင့် အရေးကြီးသနည်း။

နှလုံးသွေးကြောဆိုင်ရာရောဂါများသည် လျစ်လျူမရှုသင့်သော အသံတိတ်ခြိမ်းခြောက်မှုများဖြစ်သည်။ ၎င်းတို့သည် နှလုံးအားနည်းခြင်းနှင့် နှလုံးသွေးကြောကျဉ်းခြင်းတို့ကို ဖြစ်စေသော သိသာထင်ရှားသည့် အကြောင်းရင်းများဖြစ်ပြီး ပြင်းထန်သည့် အခြေအနေများ မဖြစ်ပေါ်သည်အထိ ရောဂါလက္ခဏာများ မပြတတ်ပါ။ CT Calcium Score သည် ဆရာဝန်များအား လူနာအတွက်အန္တရာယ်များကို စောစီးစွာသိရှိနိုင်စေကာ ဖြစ်နိုင်ခြေအန္တရာယ်များကို ကြိုတင်ခန့်မှန်းနိုင်စေပြီး နှလုံးရောဂါကို ကြိုတင်ကာကွယ်ရန် လူနေမှုပုံစံပြောင်းလဲခြင်းနှင့် အခြားလိုအပ်သောအကြိုကုသမှုတို့ကို အကြံပေးနိုင်စေပါသည်။

ဘယ်သူတွေ CT Calcium Score Test ကို ခံယူသင့်လဲ။

အောက်ပါအခြေအနေများသည် ဖြစ်နိုင်ခြေများသောသူများဖြစ်ပါသည်။ 

• အသက် 45 နှစ်နှင့်အထက် အမျိုးသားများနှင့် အသက် 55 နှစ်နှင့်အထက် အမျိုးသမီးများ
• နှလုံးသွေးကြောဆိုင်ရာရောဂါများ၏ မိသားစုရာဇဝင်ရှိသူများ
• သွေးတိုး
• ဆီးချိုရောဂါ
• ကိုလက်စထရောများခြင်း
• ဆေးလိပ်ကြာရှည်သောက်ခြင်း
• အဝလွန်ခြင်း

CT Calcium Score Test ကို ဘယ်လိုလုပ်ဆောင်သလဲ။

• ကြိုတင်ပြင်ဆင်ခြင်း- အစာရှောင်ရန်မလိုအပ်ပါ၊ ဓာတ်မှန်ရိုက်လျှင်သုံးသောဆေးများမသုံးရပါ။
• လုပ်ထုံးလုပ်နည် ကြာချိန်မှာ ၁၀-၁၅ မိနစ်ခန့် သာရှိပါမည်။
• ရရှိလာသောအဖြေမှ ကယ်လ်စီယမ်ရမှတ်ကို အထူးပြုဆရာဝန်မှ တွက်ချက်ပြီး ကုသမှုနှင့် ကြိုတင်ကာကွယ်နည်းများကို အကြံပြုပေးပါမည်။

ရမှတ်များမြင့်မားလေလေ နှလုံးသွေးကြောဆိုင်ရာ ရောဂါများ ဖြစ်ပွားနိုင်ခြေ ပိုများကြောင်း ညွှန်ပြနေခြင်းဖြစ်သည်။

CT Calcium Score Test ၏ အကျိုးကျေးဇူးများ

✓ ဓာတ်မှန်ရိုက်ရာတွင်သုံးသော ထိုးဆေးများထိုးစရာမလိုသည့်အပြင် နာကျင်မှုမရှိခြင်း

✓ စမ်းသပ်ချိန်မြန်ဆန်ခြင်း

✓ ရေရှည်နှလုံးကျန်းမာရေးကို ထိရောက်စွာ ကာကွယ်တားဆီးနိုင်ရင် ပံ့ပိုးပေးနိုင်ခြင်း

✓ နှလုံးရောဂါဖြစ်နိုင်ချေကို လျှော့ချရန် လူနေမှုပုံစံပြောင်းလဲခြင်းကို ကူညီပေးခြင်း

CT Calcium Score Test ၏ ကန့်သတ်ချက်များ

☓ သွေးလွှတ်ကြောများပိတ်ဆို့နေခြင်းကို အတည်မပြုနိုင်ပါ။

☓ နှလုံးခုန်မမှန်သူများအတွက် မသင့်တော်ပါ။

☓ တိကျမှန်ကန်သော ရောဂါရှာဖွေခြင်းအတွက် အခြားသော နှလုံးစမ်းသပ်စစ်ဆေးမှုများဖြင့် ပြုလုပ်သင့်ပါသည်။

CT Calcium Score test သည် အထူးသဖြင့် ဖြစ်နိုင်ချေရှိသူများအတွက် နှလုံးသွေးကြောဆိုင်ရာအန္တရာယ်များဆိုင်ရာ အသေးစိတ်ထုတ်ဖော်ပြသမှုပေးပါသည်။ သိသိသာသာ calcification ကိုတွေ့ရှိပါက၊ နောင်တွင် နှလုံးဆိုင်ရာပြဿနာများ သို့မဟုတ် ischemia ကိုကာကွယ်ရန် လူနေမှုပုံစံကို ပြုပြင်ပြောင်းလဲရန် လိုအပ်ပါမည်။

နှလုံးကျန်းမာရေးကို ထိန်းထားရန်မှာ ရောဂါရှာဖွေစစ်ဆေးမှုများသာမက ကျန်းမာရေးနှင့် ညီညွတ်သော အစားအသောက်များ စားသုံးခြင်း၊ လေ့ကျင့်ခန်း ပုံမှန်လုပ်ခြင်းနှင့် ဆရာဝန်များ ညွှန်ကြားသည့်အတိုင်း ပုံမှန်စစ်ဆေးမှုများ ပြုလုပ်ခြင်းကဲ့သို့သော လူနေမှုပုံစံ ပြောင်းလဲမှုများလည်း လိုအပ်ပါသည်။

အသေးစိတ်သိရှိလိုပါက ဆက်သွယ်မေးမြန်းနိုင်ပါသည်။

နှလုံးရောဂါဌာန၊ ဝေ့ဌာနီဆေးရုံကြီး
ဖုန်းခေါ်ဆိုရန်- (+66)2-734-0000 Ext. 5300
မြန်မာဖုန်း – (+66)81-98-45111