လူနာအခွင့်အရေးနှင့်တာဝန်များဆိုင်ရာကြေညာချက်

လူနာများအနေဖြင့်အကောင်းဆုံးဆေးကုသမှုကိုရရှိရန်နှင့်ကျန်းမာရေးပညာရှင်များနှင့်ပူးပေါင်းဆောင်ရွက်မှု၏အရေးပါခြင်းကိုသ ဘောပေါက်နားလည်စေရန်အတွက်ဆေးပညာကောင်စီ၊သူနာပြုကောင်စီ၊ဆေးဝါးကောင်စီ၊သွားဘက်ဆိုင်ရာကောင်စီ၊ကိုယ်ခန္ဓာပြန် လည်သန်စွမ်းရေးကောင်စီ၊ဆေးဘက်ဆိုင်ရာနည်းပညာကောင်စီနှင့်တိုင်းရင်းဆေးပညာကောင်စီတို့ပူးပေါင်း၍လူနာအခွင့်အရေးနှင့် တာဝန်များဆိုင်ရာကြေညာချက်ကိုအောက်ပါအတိုင်းထုတ်ပြန်ထားပါသည်။
လူနာအခွင့်အရေး

1. လူနာတိုင်းတွင်ထိုင်းနိုင်ငံဖွဲ့စည်းပုံအခြေခံဥပဒေမှသတ်မှတ်ထားသည့်အတိုင်းကျန်းမာရေးဆိုင်ရာကျွမ်းကျင်သူများထံမှပညာ
   ရပ်စံနှုန်းနှင့်အညီဆေးကုသမှုနှင့်ကျန်းမာရေးစောင့်ရှောက်မှုရရှိရန်အခြေခံအခွင့်အရေးရှိပါသည်။
2. ဆေးကုသမှုတောင်းခံသောလူနာများသည်မဖြစ်မနေအရေးပေါ်အသက်ကယ်ခြင်းမှလွဲ၍မိမိအားဆေးကုသမှုခံယူရန် သဘောတူမတူရွေးချယ်ဆုံးဖြတ်နိုင်ရန်အတွက်ကျန်းမာရေးစောင့်ရှောက်မှုပေးသူထံမှရောဂါအခြေအနေ၊ စစ်ဆေးမှု၊ကုသမှု၊ စစ်ဆေးကုသမှုတို့မှကောင်းကျိုးဆိုးကျိုးတို့နှင့်ဆိုင်ရာမှန်ကန်ပြည့်စုံသောအချက်အလက်များကိုလူနာနားလည်နိုင်သောဘာသာစကားဖြင့်သိရှိရန်အခွင့်အရေးရှိပါသည်။
3. အသက်အန္တရာယ်ရှိနေသည့်အရေးပေါ်အခြေအနေလူနာများသည်လူနာထံမှအကူအညီတောင်းသည်မတောင်းသည်ကို စဉ်းစားမနေဘဲမဖြစ်မနေလိုအပ်သည့်အခြေအနေအရဆရာဝန်၏အရေးပေါ်အသက်ကယ်ကုသမှုကိုအလျင်မြန်ဆုံးရရှိနိုင်ရန်အခွင့်အရေးရှိပါသည်။
4. လူနာတွင်မိမိအားကုသမှုပေးမည့်သူ၏အမည်အပြည့်အစုံနှင့်ပညာရှင်အလုပ်အကိုင်ကိုသိရှိရန်အခွင့်အရေးရှိပါသည်။
5. လူနာတွင်မိမိအားကုသနေသည့်ဆရာဝန်အပြင်အခြားဆရာဝန်ထံမှဒုတိယအကြံပြုဆွေးနွေးချက်ကိုတောင်းခံနိုင်ခြင်း၊လက်ရှိကုသမှုအခွင့်အလမ်း၏စည်းမျဉ်းအတိုင်းဆရာဝန်သ်ို့မဟုတ်ဆေးရုံပြောင်းလဲခွင့်တောင်းခံနိုင်ခြင်းစသည့်အခွင့်အရေးများရှိပါသည်။
6. လူနာ၏အကျိုးသို့မဟုတ်ဥပဒေကြောင်းအရကိုယ်တိုင်သဘောတူညီမှုသို့မဟုတ်ကုသမှုပေးသူ၏တာဝန်အရဆောင်ရွက်ရသည်မှလွဲ၍မိမိနှင့်သက်ဆိုင်သည့်အချက်အလက်များကိုအခြားသူမသိအောင်ဆရာဝန်ကထိန်းသိမ်းထားပေးရန်လူနာတွင်အခွင့်အရေးရှိပါသည်။
7. လူနာတွင်ကျန်းမာရေးဆိုင်ရာသုတေသန၌စမ်းသပ်ခံသူအဖြစ်ပါဝင်ရန်သို့မဟုတ်ပါဝင်ခြင်းမှနှုတ်ထွက်ရန်အတွက်ဆုံးဖြတ်နိုင် ရန်အလို့ငှာသက်ဆိုင်သောအချက်အလက်များကိုပြည့်စုံစွာသိရှိနိုင်မည့်အခွင့်အရေးရှိပါသည်။
8. အဆိုပါဆေးရုံ၏လုပ်ထုံးလုပ်နည်းများအတိုင်းတောင်းဆိုသည့်အခါအခြားသူ၏ကိုယ်ရေးကိုယ်တာအချက်အလက်များနှင့် ကိုယ်ပိုင်အခွင့်အရေးကိုချိုးဖောက်မှုမဖြစ်စေခြင်းဖြင့်လူနာမှတ်တမ်းရှိမိမိ၏ဆေးကုသမှုအချက်အလက်များကိုသိရှိနိုင်သည့်အခွင့်အရေးလူနာတွင်ရှိပါသည်။
9. မိမိကိုယ်တိုင်အခွင့်အရေးအသုံးမပြုနိုင်သူဖြစ်သည့်အသက်၁၈နှစ်မပြည့်သေးသောခလေး၊ကိုယ်အင်္ဂါသို့မဟုတ်စိတ်ပိုင်းဆိုင် ရာချို့တဲ့သူလူနာ၏ကိုယ်စားမိခင်၊ဖခင်သို့မဟုတ်တရားဝင်ကိုယ်စားလှယ်ကလူနာအခွင့်အရေးများကိုအသုံးပြုနိုင်ပါမည်။

လူနာဆောင်ရွက်သင့်သည်များ

1. ရောဂါရှာဖွေစစ်ဆေးရန်သို့မဟုတ်ဆေးကုသမှုခံယူရန်သဘောတူသည်သို့မဟုတ်မတူသည်လက်မှတ်မထိုးခင်သက်ဆိုင်သည့်အချက်အလက်များနှင့်ဖြစ်ပေါ်နိုင်သည့်ဘေးထွက်ဆိုးကျိုးများကိုနားလည်နိုင်စေရန်မေးမြန်းပါ။
2. ကျန်းမာရေးဆိုင်ရာဆေးကုသမှုပေးမည့်သူများအားကျန်းမာရေးဆိုင်ရာနှင့်ဆေးပညာဆိုင်ရာအဖြစ်မှန်အချက်အလက်များကိုမှန်ကန်ပြည့်စုံစွာပေးပါ။
3. ဆေးကုသမှုဆိုင်ရာများကိုကျန်းမာရေးစောင့်ရှောက်သူများညွှန်ကြားချက်အတိုင်းလိုက်နာပူးပေါင်းဆောင်ရွက်ပါ။လိုက်နာမ ဆောင်ရွက်နိုင်ပါကလည်းကျန်းမာရေးစောင့်ရှော
   က်သူများကိုအသိပေးပါ။
4. ဆေးရုံစည်းမျဉ်းစည်းကမ်းများအတိုင်းလိုက်နာဆောင်ရွက်ပါ။
5. ကျန်းမာရေးစောင့်ရှောက်သူများ၊အခြားလူနာများနှင့်သတင်းမေးလာသူများအားယဉ်ယဉ်ကျေးကျေးလေးစားမှုဖြင့်ဆက်ဆံပြုမူပါ။
6. မိမိ၏ကုသမှုအခွင့်အရေးနှင့်သက်သေအထောက်အထားကိုသက်ဆိုင်ရာဆေးရုံဝန်ထမ်းအားအသိပေးပါ။
7. လူနာသည်ဆေးပညာဆိုင်ရာအာက်ဖေါ်ပြပါအချက်အလက်အမှန်များကိုသိရှိသင့်ပါသည်။

7.1 စံနှုန်းနှင့်ကျင့်ဝတ်အရတာဝန်ထမ်းဆောင်ရသည့်ကျန်းမာရေးဝန်ထမ်းများသည်ဥပဒေအတိုင်းကာကွယ်စောင့် ရှောက်ခွင့်ကိုရရှိထားပြီဖြစ်ပြီးတရားမမျှတသောစွပ်စွဲချက်များမှကာကွယ်ပေးသောအခွင့်အရေးရှိပါသည်။
7.2 ဤဆေးပညာဆိုသည်မှာထိုအတတ်ပညာတွင်လူနာအတွက်ဆိုးကျိုးထက်ကောင်းကျိုးသာရှိသည့်သိပ္ပံဘာသာရပ်ဆိုင်ရာအတည်ပြုချက်ရရှိထားပြီးဖြစ်သောအနောက်တိုင်းဆေးပညာကိုဆိုလိုပါသည်။
7.3 ဆေးပညာသည်ရောဂါတိုင်းသို့မဟုတ်အခြေအနေတိုင်းကိုရောဂါရှာဖွေနိုင်ခြင်း၊ကာကွယ်နိုင်ခြင်း၊သို့မဟုတ် ပျောက်ကင်းအောင်ကုသနိုင်ခြင်းမရှိပါ။
7.4 မည်သည့်ဆေးကုသမှုတွင်မဆိုမလိုလားသောဘေးထွက်ဆိုးကျိုးရှိပါသည်။ထို့အပြင်ကျန်းမာရေးစောင့်ရှောက်သူသည်လုံလောက်စွာသတိထားဆောင်ရွက်မှုရှိပြီးစေကာမှုထိုကုသမှု၏သဘာဝအခြေအနေအရမခန့်မှန်းနိုင်သောအဖြစ်အပျက်ဖြစ်ပေါ်နိုင်ခြေရှိပါသည်။
7.5 ခွဲခြားစိတ်ဖြာရန်၊ရောဂါရှာဖွေရန်နှင့်ကုသပြီးဆက်လက်စောင့်ကြည့်ရန်စစ်ဆေးရာတွင်ဆောင်ရွက်မှုစံနှုန်းအရမ ထိန်းချုပ်နိုင်သည့်အသုံးပြုသောနည်းပညာ၏ကန့်သတ်ချက်နှင့်အခြားပတ်ဝန်းကျင်အခြေနေများကြောင့်လွဲချော်တိမ်းစောင်းမှုများဖြစ် ပေါ်နိုင်ပါသည်။
7.6 ကျန်းမာရေးစောင့်ရှောက်သူသည်စွမ်းဆောင်နိုင်မှုနှင့်အဖြစ်အပျက်အခြေအနေအရကန့်သတ်ချက်အတိုင်းဆေးပညာရပ်ပါကုသမှုအစီအစဉ်ကိုဆင်ခြင်ရွေးချယ်ရန်အခွင့်အရေးရှိပါသည်။ထို့အပြင်လူနာ၏အခွင့်အရေးနှင့်အကျိုး ကျေးဇူးအတွက်ဆွေး နွေးတိုင်ပင်ခြင်းအခြားတစ်နေရာသို့ပို့ဆောင်ကုသစေခြင်းကိုဆောင်ရွက်ခွင့်ရှိပါသည်။
7.7 လူနာ၏အကျိုးကျေးဇူးအတွက်ကျန်းမာရေးစောင့်ရှောက်သူမှလူနာအသက်အန္တရာယ်အတွက်အရေးပေါ်မဟုတ်သောအခြေအနေတွင်သင့်တော်သောဆေးကုသမှုကိုရရှိစေရန်အကြံညာဏ်ပေးခြင်းသို့မဟုတ်အခြားဆေးရုံသို့လွှဲ ပြောင်းပေးခြင်းများဆောင်ရွက်ကောင်းဆောင်ရွက်ပါလိမ့်မည်။
7.8 လူနာ၏ကျန်းမာရေးဆိုင်ရာအချက်အလက်အဖြစ်မှန်များကိုကျန်းမာရေးစောင့်ရှောက်သူအားမပြောဘဲထိမ်ချန် ထားခြင်းသည်ဆေးဝါးကုသမှုတွင်ဆိုးကျိုးရှိစေပါသည်။
7.9 ဆေးရုံအရေးပေါ်ခန်းသည်အရေးပေါ်ကုသရန်လိုအပ်သူများနှင့်အသက်အန္တရာယ်ရှိနေသူများအတွက်သာအသုံး ပြုပါသည်။

S/D-VTN-003.2 Rev.0 (01 Jul 2008)